Katur para kadang sutresna budaya, mugiya video punika maedahi. Klungsu-klungsu ndherek udhu ndherek ngrenggani donyanig kasusastran Jawa.
LENA
dening: Suwasti Ratri Eni Lestari
Jare..
Lemah wutah getih iki,
Suwarga..
Theklek, kayu, lan watu
Bisa dadi tetuwuhan
Tirta tumrap amerta
Samirana sumilir ing pinggir
Sesawangan maneka rupa ngegla rumesep ati
Gawe adheming piker, gawe tentreming nala
Jare..
Dewi Sri tansah ngayomi
Sandhang, pangan, papan,
Saben jalma keduman
Ah.. lingsiring jaman saya edan
Mangsa rendheng lan ketiga mblandhang gedabigan
Lemah bengkah, wit-witan semplah
Bengawan luber mbleber tekan ngemper
Puwuhan ngebaki plataran
Papan gegojegan ora kumanan kalodhangan
Ah.. sapa sing arep ndandani?
Yen kabeh janma murang tata
Tan duwe rasa tanggap ing sasmita?
Lena!
22 июл 2020