ಮಧುರಯಾನ
ಹೇಳು ಕನಸಿಗೆ ಒಲವ ಕತೆಯನು
ಕೇಳಿ ತಣಿಯಲಿ ನಿದಿರೆಯು
ತೇಲಿ ಹೋಗಲಿ ತಮದ ನೀರವ
ಸುರಿವ ಇಬ್ಬನಿ ನೆರಳಲಿ//
ದೂರ ತೀರದ ಆಸೆ ಕಡಲದು
ತೂಗಿ ಮೊರೆದಿಹ ಗಾಯನ
ಬಾನಿನಂಚಿನ ಸಂಜೆಗೆಂಪಿಗೆ
ಭಾವದಲೆಗಳ ನರ್ತನ//
ಸುಖದ ಸೂರಲಿ ಬೆಳಗಿ ದೀವಿಗೆ
ಬಾಳು ನಂದನವಾಗಿದೆ
ಇಂದು ನಾಳೆಯ ಎಣಿಕೆಯೆಲ್ಲವು
ಇರುವ ದಿವ್ಯತೆಗುಸಿರಿದೆ//
ಗಾಳಿ ಬೀಸಲು ಕದಡಿ ಮೈಮನ
ತೇಲುನೋಟವ ಚಾಚಿದೆ
ಮೂಕ ಮಿಡಿತದಿ ಎದೆಯ ಸೊಲ್ಲದು
ನಕ್ಕು ನಾಚಿಕೆ ನಲುಗಿದೆ//
ಮಧುರ ನುಡಿಯಲಿ ಪ್ರೇಮದರಗಿಣಿ
ಸದರ ತೋರುವ ಬಗೆಯಲಿ
ಒಂದು ಯೋಚನೆ ಕಾಡಿತೆಲ್ಲವ
ಮೋಹ ಯಾನದ ನೆನಪಲಿ//
ವಿ.ಕಟೀಲು
7 окт 2024