Rastdyr, Çyn ussada "USSAT" diýmeklik, Jaýyň JENNET bolsun Juma halypa. Bize adat, seň sungatyň söýmeklik, Jaýyň JENNET bolsun Juma halypa. Diňledip agladan, güldüren sensiň, Niçe çöken göwni galdyran sensiň, Baky öçmejek yz galdyran sensiň , Jaýyň JENNET bolsun Juma halypa. Pespäl, gözel ahlak sende jemlenen, Mährem sesiň höwes bilen diňlenen, Diňläp zemin, jana gelip seslenen, Jaýyň JENNET bolsun Juma halypa Genji-kän sen, akyl-paýhas ummany, Her sözüňden çogup çykar müň many, Çeper okap üns çekdiren hemmäni, Jaýyň JENNET bolsun Juma halypa Beýik Pyragynyň ilçisi sensiň, Kerim agaň ýürek ýolçusy sensiň, Başgalar diň bolsa, sen daga deňsiň, Jaýyň JENNET bolsun Juma halypa. Juma ýazmyrat diýp tanalar adyň, Jahan içre ýaňdyr, şanyň, şöhratyň, Diýr Hemra, "döneýin saňa ussadym", Jaýyň JENNET bolsun Juma halypa. Hemra Mussaýew