"Bismillah 110"
*New Manqabat 2018 MAIN ABUTALIB HUN
*Reciter: Syed Subbaib Abidi
*Poet: Mehboob Ansari
*Video: Crystal Studio
*Audio: Lawa Studio
*Get this manqabat on your whats app contact this # +923122903843
#hashtag
#manqabat #nohy #naat
#azadari #newnohay
#karbala
👇 LYRICS 👇
Reciter: Syed Subbaib Abidi (Pakistan)
Poet: Mehboob Ansari (india)
Main Abutalib (a.s) Hun
Main Abutalib (a.s) Hun
......( 1 )......
Main hun imran Laqab mera Abutalib (a.s) hy
Tum bhatakty ho kahan haq to meri janib hy
Har musalman py qanoon mera wajib hy
Kiun k ik beta mera ghalib e kul ghalib hy
Zulmat e kufr ko ghar ghar sy nikala main ny
Larkharata hua islam sambhala main ny
......( 2 )......
Khana e haq sy jo paya wo pisar mera hy
Ayatain jis py utarti hain wo ghar mera hy
Nok e neza py jo bola hy wo sar mera hy
Run main Asghar (a.s) jo hansa hy wo hunar mera hy
Naam islam k daman py raqam mera hy
Har Azadar k hathon main Alam mera hy
......( 3 )......
Mery hoty hue islam ko khatra to nahi
Kahin quran sy hat kar mera shajra to nahi
Mery kirdar ka daman kahin mela to nahi
Koi bacha mera maidan sy bhaga to nahi
Phir bhi tumny mery emaa’n ki sanad mangi hy
Jab k islam ny khud mujhsy madad mangi hy
......( 4 )......
Kufr sy door raha phr bhi main kafir hi raha
Aqd Ahmed ka parha phr bhi main kafir hi raha
Mera ghar baar luta phr bhi main kafir hi raha
Mera hi khoon baha phr bhi main kafir hi raha
Na ehel sahib e iman bany bethy hain
Jo bhikari thy wo sultan bany bethy hain
......( 5 )......
Mery osaf o kamalat tumhain kia maloom
Meri ulfat mery jazbat tumhain kia maloom
Kis tarha guzry hain lamhat tmhain kia maloom
Kia thy us dor k halat tumhain kia maloom
Dawat e fikr main din raat guzar jaty thy
Log mera hi namak kha k mukar jaty thy
......( 6 )......
Kitna pakiza hasab or nasab mera hy
Kaar e islam main jo kuch hy wo sub mera hy
Adab e zeest main andaz e adab mera hy
Mustafa (s.a.w) mery Ali (a.s) mery hain Rab (j.j) mera hy
Ye batao koi mujh jesa musalman bhi hy
Mery ghar Nehj e balagha bhi hy quran bhi hy
......( 7 )......
Ae musalman bata kuch tera iman bhi hy
Koi bakhshish ka tery paas main saman bhi hy
Tu jo kehta hy k kafi mujhy quran bhi hy
Us main ye soch ly ik surae imran bhi hy
Gar jisy sura e imran ki pehchan nahi
Poora quran bhi ratly wo musalman nahi
......( 8 )......
Rab ko mehboob subayab hy qareena mera
Deen ko paar lagata hy safina mera
Kaam aya hy to bs khoon pasina mera
Karbala meri najaf mera madina mera
Ye samajh lo pidar e ghalib e kul ghalib hun
Tum to talib ho nabi k main Abutalib hun
22 авг 2024
