මානිගල මුදුනේ රැයක්
අවට ඇති කුඩා ශාක අතරින් අමුතු ගුප්ත හඩක් නගමින් පැමිනෙන දැඩි සුළග අප සිටි කූඩාරම ගලවාගෙන යාමට බලා සිටින්නාක් මෙනි. කූඩාරම මැද සවිකොට ඇති කුඩා ලන්තෑරුම එහෙ මෙහෙ පැද්දෙමින් කූඩාරම තුල ඇති එළිය වෙනස් වන්නේ අවට පරිසරයේ ඇති ගුප්ත බව තවත් වැඩි කරවමිනි.
අප මේ රැදී සිටින්නේ පුරාවෘත්තයක කේන්ද්‍රය වූ මානිගල කදු මුදුනතයි. හවස් ජාමයේ ඇටන්වලින් ගමන් ඇරඹූ අප කදු මුදුනට ලගා වන විට රාස්සියගේ අව්ව වැටී තිබූණි. කෙසේ වෙතත් දැඩි සුළග මධ්‍යයේ ම කූඩාරම අටවාගත් අතර කූඩාරම ඇතුලටම වී සිටිමට සිදු වූයේ කූඩාරමෙන් පිටතට යාමෙන් සම පුපුරා යන තරම් දැඩී සීතලකට අසු වන නිසාවෙනි.
කෙසේ වෙතත් කුඩා ගෑස් උදුනට පින්සිදු වන්නට කුඩා කෑම වේලක් සකස් කොට ගෙන කූඩාරම තුලටම වී ඒ උණුසුම් කෑම වේල රස වින්දේ කදු නැගීමෙන් වෙහෙසට පත් ව තිබූ සිරුරට නව පනක් එක් කරවමිනි. අප හෙට දිනයේ මානිගල අනෙක් අන්තයට යා යුතුය. නකල්ස් කදු පන්තියට හිරු නැගී එන ආකාරය ඉතා සුන්දර බව ගැමියන්ගේද මතයයි. ඉන් පසු සැගවුණු අප්‍රකට දිය කොමලියක් සොයා යා යුතුය. මේ සියල්ල හදවතේ කැටි කොට ගෙන සීතලෙන් මුවා කරගත් කුඩා කූඩාරම තුල අප කංඩායම නින්දට වැටුනේ මානිගල ගතකල අමතක නොවන කදවුරු රාත්‍රිය ආරම්භ කරමිනුයි.
හෙට දිනයේ උදෑසන සිට අප විදි අත්දැකීම් සමූහය රූප රචනාවෙන්ම නරඹමු.
ආයුබෝවන් මම දිනේෂ්.
➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖
Instagram - / dinesh_a_pathum
➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖
මෙබදුම වූ සංචාර කිහිපයක්
ලකේගල තරණය - • Lakegala-Meemure | මීම...
හදපාන් ඇල්ල සොයා - • Hadapan Ella Camping |...
කතරගම පාද යාත්‍රාව - • Kataragama Pada Yatra ...
කටුසු කොන්ද, සැගව ඇති නුවර - • Kandy As You've Never ...
ලංකාවේ පාරාදීසයන් සොයා - • Nature Trails of Parad...
නුවරගල තරණය - • Nuwaragala | Ampare | ...
බලාන (ආදිතමයන්ගේ ගල් ලෙන් සොයා)
Part one - • උරුමය සොයා අම්පාර "බලා...
Part two - • උරුමය සොයා අම්පාර "බලා...
අවාරයේ මහ වනාන්තරය මැදින් - • අවාරේ සිරිපා | Off sea...
DAP production
7 сен 2022
