ثانی خواجہ مہرِ علیؓ کے ، میراںؓ کے دلدار
شاہ عبد الحق گیلانیؓ ، لالہ جی سرکار
دیکھو تو انوار کا پیکر ، عکسِ رخِ شبیرؑ و شبرؑ
فاطمیؑ جوہر حیدریؑ تیور ، حُسن کا اِک شہکار
شاہَ عبدالحق گیلانیؓ،لالا جی سرکارہ
جو تھے غرقِ بہرِ وحدت،خاموشی تھی جِن کی کرامت
ذات کے جلووں میں گم ہر دم،دکھیوں کے غم خوار
شاہَ عبدالحق گیلانیؓ،لالا جی سرکار
تُم ہو راج دلارے شاہا،سب ولیوں کے پیارے شاہا
ہم ہیں غم کے مارے شاہا،چشمِ کرم اِک بار
شاہَ عبدالحق گیلانیؓ،لالا جی سرکار
رُخ پہ جَمال کی موجیں رقصاں،سروِ خِراماں حُسن کا داماں
لُوحِ جبیں پر نامِ محمدﷺ،قدرت کا اظہار
شاہَ عبدالحق گیلانیؓ،لالا جی سرکار
تم ہو حُسن نگر کے والی،چشتی تیرے دَر کا سوالی
آنکھوں کے کشکول میں دے دو،خیراتِ دیدار
شاہَ عبدالحق گیلانیؓ،لالا جی سرکار
ثانی خواجہ مہرِ علیؓ کے ، میراںؓ کے دلدار
شاہ عبد الحق گیلانیؓ ، لالہ جی سرکار
کلام; شیخ عبدالحمید چشتی
17 июн 2024
