پسر کی لاش پہ جب شَاہِ بَحْر و بَر آیا جوان بیٹے کو بیجان خاک پر پایا لہو میں غرق جو لَخْتِ جِگَر نظر آیا وہ آہ کی شَہِ دِیں نے کہ عرش تھرایا گرے زمین پہ اور آنكھوں سے اشک بہنے لگے لہو بھرے ہوئے سینے سے منہ کو ملنے لگے لپٹ کے لاش سے چِلّائے شاہ، اے دلبر! یہ کیا غضب ہوا ہئے ہئے میرے علی اکبر تمھارے زخموں کے صدقے میرے غریب پسر خدا کے واسطے چُونکہو تڑپ رہا ہے پِدَر خَموش تم ہو میری جان نکلی جاتی ہے کہاں ہے درد جو رُک رُک کے سانس آتی ہے کڑی ہے دھوپ چلو گھر میں اے میرے دلدار کہ ماں بھی دیکھ لے پیارے کا آخری دیدار یہ کہہ کے لاش اُٹھانے لگے شَہِ اَبْرار تڑپ کے لی علی اکبر نے ہچکیاں دو چار ناتاب درد کی لائے گزر گئے اکبر پِدَر کے ہاتھوں پہ شرما کے مر گئے اکبر پکارے شاہ کہ جنت کی راہ لی بیٹا! پِدَر کو کوچ کی اپنی خبر نا دے بیٹا کہوں گا کیا تمہیں پوچھے گی گر پھوپھی بیٹا نا گھر میں جانے کی مہلت قضا نے دی بیٹا تمام کُنْبَہ سے غربت میں منہ کو موڑ چلے ضَعیف باپ کو فَوج عدو میں چھوڑ چلے اِدَھر سے لاش اٹھا کر چلے امام امم اُدھر خیام سے نکلیں مُقَدَّرات حرم پُکاری فضا یہ رو رو بسد ملال و الم ہوا شہید پسر بیبیوں کرو ماتم امامہ سَر پہ نہیں، پاؤں لڑخڑاتے ہیں حسین گود میں اکبر کی لاش لاتے ہیں