Հայ ժողովրդական «Գարուն ա» երգն է: Այս երգը ժողովրդից շատերը կապում են Հայոց Մեծ Եղեռնի հետ, շատերին թվում է, թե այն երգ է ցեղասպանության զոհերի մասին: Բայց իրականում այս երգը տխուր սիրո պատմություն է և հայ ժողովուրդը երգել է շատ ավելի վաղ ժամանակներից, քան կլիներ իր ցեղասպանությունը: Ցեղասպանության հիշողության հետ կապելը գալիս է Պարույր Սևակի «Անլռելի զանգակատուն» պոեմից, որտեղ բանաստեղծը օգտագործում է երգի առաջին տողերը՝ «գարուն ա, ձուն ա արել»՝ տարբեր առիթներով ցույց տալով, որ հայության համար այդ գարունը ծաղկունք չբերեց, և ինչպես բնությունն է ձմռանը մեռնում, այդպես էլ հայ ժողովուրդն էր 1915 թվականի գարնանը մեռնում, ցեղասպանվում: Իսկ երգի բովանդակությունն ահա թե ինչ է: Սիրահարված երիտասարդը, որ կարող է լինել տղա կամ աղջիկ, տխուր երգում է, որ գարուն է արդեն, բայց ձյուն է եկել, և ինչպես եղանակն է ցրտել, այդպես էլ իր յարն է իրենից սառել, չունի առաջվա ջերմ վերաբերմունքը իր հանդեպ: Իսկ դրա պատճառը հաջորդ տողերում է հայտնում վշտահար երիտասարդը, որտեղ ասում է՝ թող չորնա չար մարդու լեզուն: Պարզվում է՝ չարակամ մարդիկ իրեն չարախոսել են իր յարի մոտ, որն էլ հավատացել է նրանց ասածին ու հեռու մնացել իրենից: Եւ վերջին տողում սիրուց տառապող երիտասարդը դիմում է իր յարին՝ ասելով, որ նա իրեն թողել է բաղձանքը չկատարված, չէ՞ որ կուզեր միշտ իր սիրած էակի հետ լինել, գարնան ջերմ օրերին վայելել նրա ներկայությունը, վերջապես ամուսնանալ և սիրով լի ընտանիք կազմել, բայց չարախոս մարդկանց պատճառով նա հեռացել է իրենից ու իր սիրուց զրկել իրեն: Պարույր Սևակն այս երգի առաջին տողն ընտրել է հավանաբար այն պատճառով, որ չար մարդկանց (այս պարագայում՝ թուրքերի) պատճառով էլի յարը յարին չհասավ, էլի շատ երիտասարդների աչքերը թաց մնացին, որոնց սիրելիները անհետ կորան, կամ զոհ գնացին ցեղասպանությանը:
Ok , sounds great but looks like she sings on someone’s instrumental solo and it’s about pianist and not the singer or song .... I think Masha would of done justice to this song if she sung it without the very complicated full of unrelated musical passages and modulations accompaniment ... However I think she is a great singer and on the way to find herself in music world !