Namnikmanchaa mama nangko namen masidapaniko onronga na•a pilak nisoenggiparangna filmba ongja maina kadingani katta aro golporangba ongja maina🥰 namen matchude namchongmotta angade jilanirangode A•chak aro Matchuna ka•sabata matchude gimik daknan cholibebea hal gamna, mi marana, mui gana, kieba wa•al sona aro a•salna namen nama,. Kimekoba an•chingni Milam-o on•kuenga aro dutrangko jakalkuenga aro matchu garinaba skangode jakala anchingo garirang dongkujaode mo mama. Bigilba bora ping•na aro dama ping•na nambebea namen ga•sumanchaa Matchude aganode bangean mangen mama essay se•atode namen ga•subea matchude😁😂 una agre A•chakra mandeni jakalao pangchake namen mandena jakaltogipa ong•a Mama. Matburung gimiknan ka•sae nika mama angade indiba ru•ut, tapi, gaptek, chibrim, kencha, susam, mangkram, sinare, chikgil, chupu, jong•su rokomsa ua bolming apsanaigipa Jong•saldat minggipako namnikmanchaja mama mandeko namen kosto ongata namen saa dingako manata mittamde siaonaba sokata ia namgijagipa jo•ongrangde indiba Nokgipa Isolde namgnina manchaan ongatachim.