Tacloban City-- Ang dating magkaibigan na si Mayor Richard Gomez ng Ormoc City noon na ngayon ay Congressman na ng 4th District sa Leyte, at si Palompon Leyte Mayor Ramon Oñate ay mahigpit nang magkalaban ngayon.
Noong nakaraang Mayo 31, 2023, ipinatawag at humarap sa COMMITTEE ON NATURAL RESOURCES sa Kongreso si Mayor Oñate bilang isang resource person sa House Committee on Natural Resources Inquiry, In Aid of Legislation kung saan ginisa ni Cong. Richard Gomez si Oñate dahil sa umano’y “plunderous” na operasyon nito ng kanyang poultry/breeder farm-at ang pag mamay-ari nito ng kwestionableng malawak na lupain sa Palompon at Albuera Leyte.
Pati mga bank loan ni Oñate sa landbank kinalkal ni Cong. Gomez, na ayon sa negosyante panghihimasok ito sa pribadong bank transactions ng kanyang negosyo- na dumaan man ito sa tamang proseso at pagsusuri ng bangko na inutangan niya.
Imbes na resource person, ayon kay Mayor Oñate, ang Committee ay naging arena ito para kay Cong. Gomez upang tambakan siya ng mga video presentation at mga akusasyon kung saan pinagmukha siyang masama sa lahat ng aspeto.
Hindi rin daw siya nabigyan ng karampatang panahon upang ihayag ang kanyang panig dahil lagi siyang binabara ng mambabatas na si Cong. Gomez sa tuwing siya ay magpapaliwanag.
“ I am appealing to each and every open mined citizens, hindi lang tayo mo -succumb sa mga allegations ni Richard Gomez, this is pure and simple political harassment done to my family. This harassment begun in 2019 hanggang ngayon sige pa”, ayon sa pahayag ni Mayor Oñate.
Ang DBSN breeder farm at dressing plant na pag mamay-ari ng mga Oñate ang nag-iisang supplier ng mga pagkaing manok sa Region 8 na sumo-supply sa mga malalaking food chain at nakatanggap na ito ng matataas na parangal dahil sa kagalingan nito sa negosyo at operasyon.
Mayroon itong 700 employees na derektang natutulongan, maliban sa kanikanilang mga pamilya at mga kumunidad na nakikinabang mula sa deka-dekadang nang negosyong ito.
Ang news video na ito ay bahagi ng committee hearing sa kongreso, at bahagi ng panayam kay Mayor Ramon Oñate.
PAUNAWA:
Ang pahayagang ito ay walang kontak sa tanggapan ni Congressman Richard Gomez. Bukas po kami sa kaniyang pahayag ukol dito. Maari po kaming padalhan ng mensahe dito sa page, sa email: evjuanicosan@gmail.com o kontakin sa 0936-996-0357.
5 июн 2023
