Nyumba zaidi ya 300 katika kata ya Magara Wilayani Babati mkoani Manyara zimeadhirika na mafuriko Kufuatia kujaa Kwa ziwa Manyara na kupelekea uharibifu wa makazi pamoja na hekari zaidi ya 200 za Mazao Mbalimbali
Mbunge wa Jimbo la Babati na Naibu Waziri wa Mambo ya Ndani ya Nchi Mhe. Daniel Sillo ametoa magunia 10 ya mahindi ya chakula kwa waathirika wa mafuriko waliopo katika Kijiji cha Manyara.
Akizungumza mara baada ya kukabidhi chakula hicho Mei 19, 2024 katika Ziara Maalum ya Kikazi ya kutembelea na kukagua uharibifu wa mali uliotokana na vyanzo mbalimbali vya Ziwa Manyara kuzidiwa na mvua zinazoendelea kunyesha, amewataka Wananchi kupokea kiasi cha chakula kilichopatikana huku Serikali ikiendelea kufanya jitihada nyingine.
Naye Mwenyekiti wa Kijiji cha Manyara Ndg. Juma Jorojik alisema takribani kaya 300 hawana pa kuishi wala chakula kwa kuwa mashamba yao pia yamefunikwa na maji yakiwa na mazao mbalimbali ikiwemo mashamba ya mpunga.
KWAHISANI KUBWA YA MARCEL LAZARO KUTOKA MANYARA ANATUELEZA KWA KINA.
16 сен 2024
