HSD ferjene MF Hordaland og MF Etne i aksjon ved Skjersholmane, ein varm vårdag i mai 1992.
MF Hordaland var her i rute mellom Skjersholmane - Utbjoa, medan MF Etne gjekk i ruta Skjersholmane - Valevåg.
Også ei tredje ferje dukker opp mot slutten av klippet, utan at denne har latt seg identifisere.
MF Hordaland vart bygd ved Stord Verft og levert til HSD i 1979, og har sidan den tid gått jamnt og trutt for HSD og seinare Norled.
I skrivande stund, sommaren 2020, er ferja framleis i drift, som reserveferje ved Sandnessjøen.
MF Etne vart og bygd i 1979, og levert til Rutelaget Askøy-Bergen som MF Askøy. I 1988 vart ferja kjøpt opp av HSD og fekk namnet Etne.
Her gjekk den lenge på strekninga Skjersholmane - Valevåg, og ellers på andre ferjeruter på Vestlandet.
I juli 2020 var det omsider slutt for MF Etne, som vart frakta til Esbjerg for opphogging.
23 июл 2020
