Mga Pagsangpit kang Senyor Sant'Iago sa Compostela | Mga pulong ni Msgr. Ildebrando Jesus Leyson 

Mga Pagsangpit kang Senyor Sant’Iago sa Compostela
Nagasangpit, Nagadangop kanimo
Nianang tronong gitagana sa Diyos kanimo
Tabangi kami nga nangaliya
O Señor Sant’Iago sa Compostela.
Anak ni Zebedeo ug Salome sa Galilea
ni San Juan Ebanghelista magulang
nga igsoon
Sangay ni Iacob nga Patriarka
Kinsa gihinganlan kay misakmit sa
kiting ni Esau iyang igsoon.
Mangingisda ka man didto sa Betsaida
nga uban ni San Juan, si San Pedro
ug San Andres mga higala.
Maoy unang gipanawag ni Jesu-Cristo
didto sa lapyahan.
Aron sa pagpanagat og mga tawo
tudloan.
Nagasangpit, Nagadangop kanimo
Nianang tronong gitagana sa Diyos kanimo
Tabangi kami nga nangaliya
O Señor Sant’Iago sa Compostela.
Anak sa dalugdog ang giangga kanimo.
Tungod sa masuk-anong kinaiya nimo.
Gisaway kay nangandoy nga molingkod
tupad
sa harianong trono ni Jesu-Cristo didto
sa eternidad.
Usa ikaw sa labing suod nga Apostol
ni Jesu-Cristo.
Gipili sa Diosnong Amahan nga
mahimong saksi sa mga misteryo.
Sa himaya sa Ginoo didto sa bukid sa
Tabor nga daw langit
Ug sa iyang kasakit didto sa tanaman sa
Gethsemane nga mangitngit.
Nagasangpit, Nagadangop kanimo
Nianang tronong gitagana sa Diyos kanimo
Tabangi kami nga nangaliya
O Señor Sant’Iago sa Compostela.
Saksi ikaw sa nabanhaw ug mikayab
nga Jesu-Cristo.
Ug gikunsaran sa magdadasig nga
Espiritu Santo.
Aron pagsangyaw sa ebanghilyo
ni Cristo.
Hangtud gani sa kinatumyan sa yuta sa
Iberia ikaw miadto
Giduaw ikaw sa mahal nga Birhen Maria
nga gisapnay sa mga anghel ug mibarug
ibabaw sa haligi.
Sa tampi sa sapa Ebro didto sa
Cesar-Augusta.
Aron paghupa ug pagdasig kanimo kay
wala ikaw pasagdi.
Nagasangpit, Nagadangop kanimo
Nianang tronong gitagana sa Diyos kanimo
Tabangi kami nga nangaliya
O Señor Sant'Iago sa Compostela.
Sa Jerusalem ikaw mibalik pagsangyaw
Diin si Haring Herodes Agrippa
gikasidlakan ikaw.
Gipunggotan ikaw sa imong ulo ginamit
ang espada nga mahait.
Ug nahiuna ka sa tanang Apostoles didto
sa langit.
Samtang sa Jerusalem nagpabiling
gilubong ang ulo nimo.
Ngadto sa Iberia gidalag balik ang
lawas mo.
Diin hangtod karon sa Compostela ang
lubnganan nimo.
Giduawan sa daghang perigrinong
debotos mo.
Nagasangpit, Nagadangop kanimo
Nianang tronong gitagana sa Diyos kanimo
Tabangi kami nga nangaliya
O Señor Sant’Iago sa Compostela.
Sa grasya sa Diyos ang imong larawan
ug debosyon.
Pinaagi sa recoletong
Padre Manuel Fernandez nga
nag misyon.
Mingdangat ug milambo dinhi
sa Nahalin,
ug sa ngalang Compostela kining
lungsod nabalhin.
Lig-ona ang among pagtuo, paglaum,
Ug paghigugma.
Taliwala sa tanang kalisdanan kami
Dasiga ug agaka.
Hangtud nga kami usab diha
Sa langit makadangat.
Aron sa usa ug Trinidad nga Diyos
Sa kanunay Uban sa mga Anghel,
Ug sa mga Santos
Magasimbag, magdayeg
Ug nagapasalamat.
Nagasangpit, Nagadangop kanimo
Nianang tronong gitagana sa
Diyos kanimo
Tabangi kami nga nangaliya
O Señor Sant’Iago sa Compostela.
O Señor Sant'Iago sa Compostela...