September ni 12, 2023 tlai dar 4:00pm khan Thingdawl khua a Pi Vungi te nufa Chenna In tur mi inphal te thilpek tlingkhawm hmanga ni 25 chuang kan sak chu a hawnna kan zu nei a. Pi Vungi leh a fate 4 chu kan luah luh tir nghal a, a fate hi hmeichhe pathum leh mipa pakhat an ni.
He Chenna In sakna a kan senso zawng zawng hi cheng ₹4,63,408/- a ni a, pawisa la chuang bang cheng ₹1,10,081/- ala awm a, hei hi an nufa eizawn bultan nan hmansak tum a ni.
Thilpek sum leh pai bakah a bungrua a dawn kan nei nual bawk. Tin, mi inphal hmingthup ten Fridge, Washing Machine, Khum, Thutthleng sei, Sintex, Kawngkhar, Tukverh Frame, Electric Bungrua leh thildang te an lo donate bawk a ni.
Pi Vungi te hi kum 2021 khân an pa a boral tawh a, mi huan thlâm Electric pawh luh lohna ah hun rei tak an nufa in an lo khawsa tawh a ni. Hetiang Chenna In tha tak mai an nei thei hi kan lawmpui takzet a ni.
He Chenna In kan sak puitlin theihna tura thilpek lo petu te, Thingdawl VC leh YMA te, mi tlawmngai hmingthup zawng zawngte hnenah Pathian hmingin lawmthu kan sawi e. Lalpan malsawm mawlh che u rawh se.
____________________________________________
Please Like, Subscribe and Share to support Zo Inspiration Foundation.
Follow us on 📲
Instagram : ...
Facebook : www.facebook.c...
Our Website :
zoinspiration.in/
Address :
Zo Inspiration Foundation Office
Ramhlun Venglai, Aizawl
Near Biakliana Filling Station
H/No - B-20, Chawngziki Building
Ph : 7085844464/8575510018
3 окт 2024