Her dinlediyimde borc bilirəm ozume yazmagi .Muellim səsinize quvvet.Əmeyinize sagliq .Sizin izahlardan oyrenirem esərləri .Var olun .Bu qədər video izah var amma sizin video izahlar onlari kolgede qoyur.
Ay aman, üzürlü sayın ki, rəyinizi indi görürəm. Allah hər kəsə öz əməyinin qarşılığın verir. Gücüm çatdığın etməyə çalışmışam. Sizlərin zövqünü oxşadısa, nə xoş mənə🤲
Düşmən isim [farsca] Birinə qarşı ədavət, düşmənçilik bəsləyən və onunla mübarizə aparan, çəkişən şəxs. Onun düşməni var. - Ey məh, mənimlə dustlərim düşmən eylədin; Düşmən həm eyləməz bu işi, kim sən eylədin. Füzuli. [İzzət:] Düşmən hər nə qədər aciz olsa da; Məğrur olub, kiçik sanma dünyada. H. Cavid. // Birinə pislik etmək, zərər vurmaq istəyən, birinin pisliyini istəyən adam; ədavətkar, əleyhdar. Düşmənin tikəsindən dostun silləsi yaxşıdır. (Atalar sözü). Hacı Əbüləzim dürüst qulaq verəndən sonra dedi: - Kişi, məgər sən öz qızının düşmənisən? Ə. Haqverdiyev. [Bəhram:] Ata öz oğluna olarmı düşmən? A. Şaiq. Düşmən gözü ilə baxmaq - özünə düşmən hesab etmək. Doğrusu, iki məhəllə atababadan bir-birinə düşmən gözü ilə baxırdı. N. Nərimanov. Düşmən kəsilmək - düşmən olmaq. Qorqud qanı axdı damarımızdan, Özümüz Qorquda düşmən kəsildik. B. Vahabzadə. Ülkəri gözü tək istədiyindən; Düşmən kəsilmədi o, Əmirxana. . . S. Vurğun. Bu qədər acgözlüklə topladığı bu sərvət; İndi düşmən kəsilmiş, edirdi ona nifrət. N. Rəfibəyli. Müharibədə əks cəbhədə vuruşan adam, dövlət və sairə ; yağı. Düşməni darmadağın etmək. Düşməni məğlub etmək. Düşmənə atəş! - Qoç Koroğlu qonar olsa yəhərə; Yağı düşmənləri salar qəhərə. «Koroğlu» . Balaca uşaqların düşmən qabağına Quran götürüb çıxmaqları, gələcək üçün bir tarixdir. C. Məmmədquluzadə. Düşmən bütün cəbhə boyu ricət edirdi. M. Hüseyn. Zərər gətirən, zərərli olan şey haqqında. Xatircəmlik bizim ən böyük düşmənlərimizdəndir. - Dilim özümə düşməndir. (Məsəl). Yarışda, oyunda, mübahisədə iştirak edən qarşı tərəf. Düşmən şahını mat etmək (şahmatda).
Dost isim [farsca] Birisi ilə dostluq münasibəti olan adam, yaxın yoldaş, arxadaş. Köhnə dost. Uşaqlıq dostu. - Hər şeyin təzəsi, dostun köhnəsi. (Atalar sözü). // Birinin yaxşılığını, xoşbəxtliyini istəyən, onu ürəkdən sevən (düşmən ziddi). [Yusif:] Heç bundan yaxşı şey olarmı ki, qəlbdən istədiyin dostdan məktub alasan! N. Nərimanov. Neçə yüz ildən sonra biz də o məqama çata bilərik ki, gözümüzü açıb dostumuzu və düşmənimizi tanıyaq? C. Məmmədquluzadə. Dost olmaq - aralarında dostluq münasibəti olmaq, ya yaratmaq, dostlaşmaq, arxadaş olmaq, yaxınlaşmaq. Mirzağa, gəncliyinə baxmayaraq, bu vaxtadək bir qız və ya qadınla dost və arxadaş olmamışdı. S. Hüseyn. [Dürrə:] Mən tanış olmağı və dost olmağı, qəriblərlə oturub-durmağı sevən bir qadınam. M. S. Ordubadi. [Nuriyyə:] Son kursda oxuyan Ayna adlı bakılı bir qızla dost olmuşduq. İ. Əfəndiyev. Dost tutmaq - özünə dost saymaq, sevmək, çox xoşlamaq. . . Şairlər bahar fəslini hamıdan artıq dost tuturlar. C. Məmmədquluzadə. [Təliə:] Vəliəhd, mənə inan, mən şeri də sevirəm, hətta şeri layiqi ilə oxuyanları da dost tuturam. M. S. Ordubadi. sifət mənasında. Dostluğa əsaslanan, bir-birinə qarşı xeyirxah olan. Dost ölkələr. Dost xalqlar. // Tərəfdar, müdafiəçi, havadar. - Sən həyat dostusan, ellər zinəti! İnsanlıq eşqidir köksündə yanan. S. Vurğun. // sifət Sevən, istəyən, əziz tutan. Adətən dosta, yaxın adama müraciət - dost! Əziz dost! - Gəlin, dostlar! Qələmdaşlar! Fərhad kimi külüng vuraq; Biz yaradaq dünyamızın qəhrəmanlıq dastanını! S. Vurğun. [Əhməd:] - Xoş gördük, köhnə dost, sənsən, gecə vaxtı haradan gəlirsən? İ. Şıxlı. Bir azdan sonra Lütfəli özü üçün bir rumka da araq töküb: - Sağ ol, dostum! - deyə içdi. İ. Musabəyov.
Sağ olun, müəllim. Bir çox əsərlərə verdiyiniz təhlillərə baxdım.Bir sözlə çox gözəl izahlar idi. Bu seir Cüt -cüt qafiyələnib,beyt adlandırmaq düzgündür mü?
