#antikorrupsiya
Korrupsiyaga qarshi kurashishning muhim jihatlari tushuntirildi
Sirdaryo viloyati soliq boshqarmasining Shaxsiy xavfsizlik bo’limi xodimlari tomonidan muntazam ravishda joylarda korrupsiyaga qarshi kurashish borasida huquqni muhofaza qiluvchi organlar bilan hamkorlikda shaxsiy tarkib o’rtasida bevosita muloqotlar tashkil etilmoqda.
Jinoyat ishlari bo’yicha Mirzaobod tumani Sudida yaqinda huquqni muhofaza qiluvchi organlar vakillari ishtirokida o‘tkazilgan tadbirda soliq sohasini korrupsiyadan holi tizimga aylantirish va bu borada qilinishi lozim bo‘lgan ishlar to‘g‘risida so‘z bordi.
Ta’kidlanganidek, davlat xizmatchilari eng avvalo kasb etikasi, ichki mehnat tartibi va odob axloq qoidalariga rioya etishi, halollik vaksinasi bilan emlanishi lozim.
Har bir soliq xodimi “Soliqchi-ko‘makchi” tamoyili asosida tadbirkorlarga yaqindan yordam berishi, manfaatlar to‘qnashuviga yo‘l qo‘ymasligi, soliq xodimlari orasida korrupsion holatlarning oldini olishda eng avvalo jamoada korrupsiyaga nisbatan murosasiz muhitni shakllantirish kerakligi tushuntirildi.
Shuningdek, tumandagi savdo do'konlari va aholi gavjum joylarda korrupsiyaga qarshi kurashda jamoatchilik nazoratining ahamiyati katta ekanligi borasida fikr bildirilib, bunday salbiy holatlarning oldini olish maqsadida bukletlar tarqatildi, hamda murojaat uchun maxsus telegram boti haqida to'liq ma'lumot berilib, ishonch telefonlari eslatildi.
13 май 2024
