#MM 

採訪後記： 我屋企係一個游牧民族，成日搬屋，但搬嚟搬去都係住返沙田。細個間唔時會經過瀝源邨，印象最深刻嘅係條邨人來人往好熱鬧，行人天橋同通道互相交錯，幾座大樓圍繞住中央平台，平台正中間有間小小的街市，我同家姐總會喺街市對出等屋企人買餸，大熱天時，成日都等得好唔耐煩，只想快快回家。以前最鍾意瀝源邨嘅，絕對係佢啲大樓外牆嘅魚魚圖案，搭巴士經過時都總會望多兩眼，依家啲魚個樣已經唔同咗lu。 自從大個搬離開咗沙田之後，已無咩原因要去瀝源邨嗰邊了。今次返去，覺得好大收獲。外人入邨閒逛，可能同我一樣會被老店嘅外表所吸引，但原來喺「懷舊老店」的標籤背後，埋藏了昔日沙田區的足跡，記錄了沙田區的歷史。 文具店嘅茹生，同埋佢間鋪附近、唔願意出鏡嘅皮鞋店老闆係小學同學兼老友，兩個人講起沙田墟時都非常雀躍，從佢哋你一言我一語地回味當年嘅眼神中，都感覺到佢哋對嗰個地方，或嗰段簡簡單單嘅生活嘅喜愛。所以最後先至會畫咗一張沙田墟地圖出嚟，雖然我哋都知道地圖內容未必準確，但都好想分享，如果有沙田墟街坊睇到呢條片，歡迎指正或者分享更多💛 啲人成日話回憶未必準確，有人話我哋嘅腦袋會選擇性地保存相對美好嘅記憶。唔知係咪真呢？如果係嘅話都幾好丫，又，唔怪得我個腦裏面有咁多同沙田有關嘅美好回憶～ 希望他朝一日可以搬返返去☺️ 🍎 Apple

身為四十年沙田友齡嘅沙田柚表示：好開心見到介紹哩三間舊村老店❤️

我小二就搬左去沙田住，直到我讀完中學出黎做野先搬去第二區，中學時都係瀝源村間中學度讀，幾乎日日都係瀝源、好運、新地市廣場等等幾個廣場活動，果度真係好多回憶。以前返學前都一定會行過去酒樓買少少點心做早餐，返學校食(依家間酒樓都無左啦)果時娛樂城有機鋪、戲院、桌球室，放學好多同學都會去果度玩，我都成日去果度睇戲。附近仲泳池，夏天成日去游水 雖然依家果度都變左好多，但我仲成日會返去果頭行街，沙田都算係我人生中一個重要既區

細個成日都會到瀝源邨 阿媽為咗慳錢成日由沙田圍個邊行去禾輋邨家興買嘢，途中就係行過瀝源條天橋 屋企人睇病會去瀝源睇街症，飲茶都會去瀝源邨。個陣瀝源邨好多嘢都好平 大個之後又會同一大班朋友去瀝源踢波，去娛樂城打機同睇波打邊爐。 雖然我唔係瀝源住，不過瀝源都比咗我好多回憶。

沙田友見到呢集真係好高興！ 由細到大夾埋，都留左好多腳毛喺娛樂城間機舖同波樓 😆

瀝源邨好正架，全港最有規模，第-間卡啦OK埸"安全地帶"就响娱樂城上面。而娱樂城更唔使講，睇住戲好正，仲有阿哥家姐，拖我貪平睇第二輪戲早埸，源禾路又有泳池，食完晚飯就游夜水。响瀝源住真好。人大咗各人有自己家庭，搬走。好多謝你Apple,比返好多回憶我😃😃

同Apple一樣 屋企係游牧民族 搬過十幾廿次屋 搬過好多區 最鍾意都係沙田區💛平時鍾意無野做係城門河散下步 睇下河景 沙田真係一個好地方黎🥰💛

我曾經係貴和樓街坊，童年回憶都在瀝源邨~ 榮樂奶茶恆園腿通蘭香閣紅豆冰富瑤叉燒包都是難忘的味道，社區會堂音樂表演德隆辦館外的搖搖比賽都是美好的回憶，謝謝MM。

做仔嗰陣係沙田友, 阿媽每日第我放學都去圓州角買餸, 夠哂平嗎 移咗民去美國好多年之後番第一次香港就即刻去沙田行下, 圓州角冇咗Lu, 變成一個陌生嘅石門…. 不過整個沙田都係差唔多, 第一城到新城市, 落埋去大圍都係我嘅童年回憶

1:17 補充多少少資料：另外兩條公告柱位於何文田愛民邨同屯門大興邨。高峰時期全港共有9條公告柱，分別位於香港仔華富邨、何文田愛民邨、沙田瀝源邨、葵涌石籬邨及葵芳邨、屯門新發邨（拆毀重建成V City）及大興邨、元朗安寧路。 我住大興邨十幾年，見證條柱慢慢變殘舊，好似香港一樣。

盛記真係由細食到大，夏天去食牛腩河再加杯凍豆漿真係無敵！ 近年盛記個邊爐真係好正

好記得細細個好大食，係盛記食肉餅飯次次都俾我地的學生白飯仼裝，老闆好人，好有人情味

Good job Apple, 瀝源邨長大真的很開心，細個的時候還有一間瑞榮百貨店、金屋髮廊和瀟sir 的沙嗲牛肉麵，真的很懷念以前大家街坊街里守望相助的香港精神💪🏻加油

我出世係沙田舊墟,是瀝源邨第一批入住居民,一轉眼就4,50年,印象深刻是對正噴水池,港台小時候拍攝時候睇到晒,商場有瑞興百貨,富瑤酒樓,蘭香閣西餐廳,當時呀爸要儲好幾個月糧才入去哩D當時叫高級商店

我自細就住瀝源，榮瑞樓， 爺爺嫲嫲會帶我去榮樂同恆園食早餐， 果陣一個早餐$9。 仲有瑞榮超級市場，蘭香閣都好耐㗎啦。

由出世到結婚都係沙田住，留低唔少腳毛。宜家都有d掛住以前八百伴，西田（一田前身），UA戲院同對面間機鋪，新城市樓上個水上樂園，中央公園（拍拖勝地），仲有好多好多。娛樂城記憶最深就係波樓機鋪，大部份零用都用晒係個度，樓下小食鋪係少數著校服都可以買煙仔既鋪頭。之後富豪開左網吧就轉左場去個邊，日日過橋去打rainbow six. 真係好懷念。

唔算首批瀝源居民，但係喺77年搬入去。藝林前老闆茹老先生，細個時入店睇文具時好惡㗎，𥄫到啲細路實一實㗎，因為好多人偷嘢。至於現時老闆茹生，早年係童軍領袖，跟過佢嘅人都有好，茹太亦係童軍領袖嚟㗎。盛記阿B識佢好多年，80年代中中學時期嘅飯堂，每日必食牛腩麵，基本上，只得佢哋開到中午，其餘幾間晨早茶居11點都收緊檔囉！後來被領匯強迫租晒現時全場嘅所有舖位，先至肯畀佢哋做落去，真係要靠大家多多支持先至捱到落去。豐昌係老店，早期重有兩三間同類士多，只有佢哋捱得到今日。其實，邨內有兩間老麵包舖都係由早期瀝源開到依家，歷史悠久。本身三間茶餐廳亦係好耐歷史，早年其中一間茶記嘅子女搵到錢，停車場有兩架波子放喺度，都咪話唔架勢。

港英時代嘅urban design真係好正

無蘭香閣同小秘密嘅😂😂😂（雖然已經裝修易手）仲有樓下果間麵包舖，簡直係窮人恩物😂😂另外，由細到大都係去南發買返學鞋，然後過隔離買校服，我諗應該好多沙田書友仔，八月尾嘅指定路線😂😂😂

我沙田長大嘅, 盛記響沙田墟嗰陣, 我媽會放低我, 叫碗牛肚河我食佢就去買餸! 小學時就繼續去瀝源B哥到食野! 往事如煙, 一切回憶都係美好的!

豐昌兩位創辦人兄弟好好人，兒時經常去買零食，記得一次幫爸爸買啤酒，行行下個膠袋穿左，兩支啤酒打難左，唯有行番去同老闆講個膠袋穿左．．．老闆冇問原因立即換個兩支啤酒比我，回想番，老闆兄弟二人真係好有人情味！

我住咗瀝源邨成廿年嚕😊 多謝你哋介紹我哋條邨❤ 嚟緊我會搬出去，應該會掛住呢度😢 呢度真係好有人情味～

我住左沙田就快30年 令我最深刻既糸以前 大圍既青龍水上樂園 雖然糸21年前既事 但到依家都記憶猶新 坐過既摩天輪 玩過既機動遊戲 都重係歷歷在目

幾十年沙田友路過～ 瀝源仲有富東閣💛

我小時候亦住沙田，今集內容很丰富！令沙田舊街坊回憶！其實還有很多的沙田鋪未介紹！榮樂茶餐廳，龍華酒店… 可以再拍多集😂

長天橋有間寶寶玩具, 細個時經常去睇玩具, 後來買了一部跑車機, 有聲音又有燈光, 好正架

喺好耐好耐好耐以前，我小時候就已經係沙田友，不過我係住大圍。那時候母親大人每隔一段時間會帶我們由大圍行去沙田墟買餸，然後又行返大圍。以前我有一個叔公是在沙田墟戲院附近開診所做西醫生嘅。沙田戲院小時候有去過睇戲架。睇到咁多朋友講返以前嘅沙田真係好回味！💕💕

細個鐘意行新城市廣場丶八百伴，大咗入開沙田反而會行去瀝源丶禾輋嗰邊食飯。 另外，以前娛樂城兩間戲院仲早過新城市U6戲院開張。 咁就幾十年。

APPLE嘅故仔唔知點解係特別好睇 😂 非常同意你嗰句口述歷史好重要

小學喺主風讀，嗰時仲係上下午校既年代 當時主風既女仔校服，堪稱全香港最靚既校服，粉紅色白色格仔 男仔校服跟足英國貴族風格，夏天冬天都係短褲

Oops… 原來之前留言咗係其中一個沙田友的chat box 度.. 想留多次言, 再次多謝你的用心製作!👍👍😃 邨中老店其實仲有好多架: 慈光幼稚園, 主風小學, 蘭香閣, 汕頭粉麵, 恒宛茶記, 仲有邨中既西醫李玉棠…, 間間都起碼四十幾年了！😃 係呀, 仲有娛樂城.., 午夜場好爆架! 仲有機舖, 波樓, 麻雀, 律律(食飯嗰間)…哈哈哈…., 地點集中, 放學後係嗰度等啱晒😁.. 多謝😃😃

謝謝分享。我1985年搬入沙田，每星期都會經過瀝源邨。

之前係瀝源返學 依家grad左都好少番去 見到盛記同辦館 D回憶真係返曬黎🥺🥺記得嗰陣好鍾意食完飯就去辦館度買糖返學校食🥲跟著慶功就係盛記開一大圍咁食飯🥺🥺🥺搞到好掛住

可以再看到Apple 妳既作品，真係好開心喔🥰🥰。支持支持🙌🏻👏🏻👏🏻👏🏻👏🏻

恭喜又有廣告，好hard sell 但都睇晒

沙田友80年代中小學3年級住到依家 瀝源最深刻嘅鋪頭就係豐昌順做校服 到中學就成日去娛樂城打機

大圍長大，大圍原居民後裔，但細個嗰時最鍾意去瀝源消遣，對，就是馳名沙田區的娛樂城，有波篤，有戲睇。最記得嗰時自己從遠處睇向娛樂城，看到的是"雞都戲院"四字，仲一直以為是那間戲院的正名，直到大個先知唔係 :p

作為細個住瀝源加禾輋十年，三間有兩間舗都無入過，都真係有d 慚愧 近幾年瀝源變化真係好大，多謝mm 做記錄

1985年第一次去瀝源村做同學嘅姊妹，好彩有男朋友車我去，我係成長於九龍市區，真係冇咩機會去，但結婚後搬入馬鞍山而老公又係沙田工作，就變成熟識左呢個地方，真係一轉眼已經幾十年了

以前係沙田友，印象就更係單車公園，青龍水上樂園，沙田公園內的木船還有駕駛學院以前在大圍，大圍好多學神，但交通都算ok。

40多年前小時候, 我記得去沙田是搭火車的. 冇錯, 是噴煙轟隆轟隆的那種. 記得每次都會買雞仔餅, 有時會食埋乳鴿雞粥才回家. 十分懷念.

我直頭喺瀝源邨長大，到而家都成日返去，因為奶奶、婆婆、媽媽都住喺瀝源邨，頭先睇到豐昌嗰兩個叔叔張相好懷念，佢地睇住我大😭瀝源邨真係變咗好多

我就係瀝源長大架喇，我認得d店舖老闆。❤

以前讀曾肇添時lunch time成日行天橋過去瀝源買麵包。又去上面幾間文具鋪睇模形玩具。有錢D話會衝去好運中心打機。

咁正，要搵日過去睇睇。多謝介紹。

我住壽全樓 (即是第七座)，榮，華，富，貴，福，綠，壽，第一代入去住，那時小學五年級，未有娛樂城，好似只是一個藍球場和小型遊樂場，後來用公屋抽了居屋，便交回房屋處。合成傢俬也是搬了去那兒，好似仍然在經營。

由即日至7月10號【日本樂天購物馬拉松】活動期內，喺唔同店鋪單筆消費滿1,000日元，就可以累積點數回饋倍數，最多仲可以賺10%點數！加埋唔少店舖額外最高19%點數回饋同多款限時優惠券，真係超抵買！ 📍日本樂天購物馬拉松： bit.ly/3y5zmfo

謝謝這影片，身住瀝源更享受這片子♩♬

我係沙田居住及工作都五拾幾年，見證沙田發展。

娛樂城有間過百大小房唱歌嘅Karaoke & Disco 叫安全地帶，有桌球室叫沙龍，戲院同埋有間打麻雀叫沙雀會地下有遊戲機舖，有小菜館唔記得咩名，多年前經常在這地方遊玩及工作過，現在已經轉變好多了！！🤔🤔🤔🤔🤔

瀝源邨真係沙田東嘅歷史見證，不過就係咁以前覺得瀝源邨又殘又舊（因為設計仲係70年代公屋模式...而且以前商場啲鋪頭都好'Local'，以前嘅人亦都冇咁注重清潔）。不過而家唔同咗好多，企理咗好多。另一方面，你見啲小朋友鍾意食'辣條'，同埋廣東話文法奇怪 (唔夠錢-->錢唔夠),都feel都香港嘅改變....

今日盛記full晒🤣

我幼稚園高班搬入瀝源邨，之後搬去輋邨，我娘親仲住緊，足足在沙田 45年！

其實呢啲舊舖好適合拍韓綜“偶爾成為社長”既香港版（特別係間辦館），應該會好好睇。

多謝你呀 APPLE!!!可唔可以尼元朗介紹歷史呀 住左30年都好希望你傳承元朗歷史呀 THX

以前有間百貨公司叫瑞榮，好多得意野睇 娛樂城有戲院，好多周星馳嘅戲都係喺嗰度睇

瀝源剛開邨時我由細住到十六歲，懷念。

86年小學三年級搬入沙田住好運中心讀聖華小學，每日行長天橋返放學。小學差唔多全部文具都係藝林買，有時會喺長天橋上間快餐店食早餐，但係唔記得間嘢叫咩名，有冇人記得？

我小時候在上水彩園邨長大，中學時才搬入沙田。瀝源邨係沙田市中心旁的一個歷史痕跡。有時週末都未必會出九龍，去市中心購物食飯，我相信係沙田友的生活日常，當中瀝源邨的回憶，一定小不了。期待MM做多一些地區老屋邨的故事，謝謝!

出世住沙田住到依家既沙田友表示😂好懷念 以前成日係瀝源出入

溫莎髪廊、滿堂威、華麗文具、仲有眼鏡店，都係創邨老店...

盛記午餐嘅梅菜扣肉飯超正😍😍😍

7月影片統計： Pheobe ×1 Chucky ×1 Sam ×1 Sa ×1 京 ×1 Apple x1 --------------- 系列方面： Weekly-pedia ×2 美味道來 ×1 旅遊止癮 ×2 牌子嘢 ×1

啲回憶番哂嚟！間文具鋪我都有去幫襯！仲有係禾輋行去新城市廣場條天橋🥰🥰

經常去辦館「deg米」，老闆一家都好chill好好人。

以前嘅香港好似台灣鋪頭開幾粒鐘就足夠溫飽養活一家，但今日香港年中無休日開12小時都係賺人工，領展不倒香港人有排受。

以前同阿婆一齊喺瀝源住嗰幾年真係好開心，幾兄弟熱到趴街咁食盛記

依啲人情味真係買少見少， 希望大家仲擁有既時候好好珍惜。

多謝，在瀝源邨長大的我，實在回味萬分。

單車公園，試過有馬戲團睇，而家圍方下面已前係村屋，村民勁到有個空地養咗隻孔雀成日有街坊圍觀😂1983年搬入大圍嘅記憶😂😂

細細個阿嫲就帶我去盛記食麵，當年除咗盛記仲有另外兩檔 P.S. 唔講都唔知噴水池有咁嘅作用

我小六時每天放學由87總站下車，自己一個人在瀝源商場搵野食午餐，然後沿天橋行番禾輋邨屋企，所以今集介紹的舖頭全是我的集體回憶

WA....平台呢間士多....細個日日放學都去買野食....仲有間起商場外面...好細間..D魚蛋正呀...哈哈

有好多歷史，好多懷念，對我嚟講以前沙田就係去行山，經過望夫山落去沙田食海鮮，同埋雍雅山房我好懷念，我童年在香港仔黃竹坑新圍村，不知你哋嘅節目會唔會去訪問一下黃竹坑或者香港仔呢？我好希望能夠見到，我住喺美國嘅希望在我有生之年都能夠見到你哋會訪問香港仔，如果你哋以前做過是否可以告訴我呢？祝大家平安健康

沙田友 盛記肉餅飯Jeng呀 粉麵都Jeng. 仲有富東閣未介紹呀～良心大酒樓 兩間都推介！

見到豐昌兩個舊老闆張相，回憶返曬黎，瑞榮超市上下兩層，寶寶玩具後舖打紅白機，沙田快餐店買漢堡包。。。。太多太多了

滄海桑田，沙田舊墟和畫舫小時（約1969年）曾去過，填海將地貌大改，今天都不知原地在那裏？

80年代住過沙田，晚上經常去娛樂城睇午夜場，睇完發哥D爛片散場時候就會有爆玻璃樽聲此起彼落

片尾廣告正 😄👍

多謝你地啊 ！！！

有無禾輋人？？當年最記得好多人都唔識「輋」字點讀！最多人問呢個「山大車」係乜字來！ 仲記得果時要行上座木橋，橫過大埔公路先去到火車站。仲記得當時仲可以在火車軌上面行！ 講到瀝源邨，當時第一間舖係麵包店來（家陣轉左做曬相舖），佢在日日返學時間會放張枱出來，返小朋友食早餐之後可以返學！ 茹先生隔離舖果時係玩具舖來！！ 仲有果時大快活果處（街市上面）係整片平台，無舖的空地來！ 仲有好多好多回憶～～～～

好懷念以前細個喺娛樂城嘅戲院睇戲,有小販車賣燴番薯/燴魷魚/蒸粟米/鵪鶉蛋,食住哩啲零食睇戲好開心

幾年前去盛記打邊爐，因為食第二輪，坐低一刻d阿姐已經係咁催你落單，最後半個鐘加野西曬面仲畀埋說話你聽，完美演繹阻人收工尤如殺人父母

我們成長的地方，藝林文具，國光書局，蘭香閣，汕頭魚蛋粉麵家，瑞榮超級市場，富瑤酒樓….

我喺沙田出世，沙田長大，住喺當時沙田墟第四街，喺正街嘅信義小學讀書，後來搬咗去大圍香粉寮，都仍然係沙田友，雖然而家已經移民加拿大，仍然好掛念沙田。希望你繼續做多幾集關於沙田嘅典故，一路睇一路帶回很多回憶，那幾間在沙田舊墟的老店我都有印象記得，還有那個公廁簡直就是我們童年的惡夢！

Grew up in Shatin, Moved to LA in 2003, this EP bring back so much memories. Thank you @MM - Mill MILK

睇住由單車公園，八佰伴，青龍水上樂園，到宜家冇左音樂噴泉同火車頭麥記嘅新城市廣場，連大圍火車站上面都變埋屏風樓同大型商場，其實都不勝唏噓 只係得返瀝源邨呢度仲保留返昔日嘅情懷。 希望佢哋可以維持落去，做得幾耐就幾耐啦～

我對盛記最深刻既印象仲係90年代,無冷氣,停車場既熱氣會谷返入去食野個位. 另外豐昌辦館同一條巷既茶餐廳凌晨5點幾,會有練馬師落黎食早餐,某陳姓藝人兼練馬師都有時落黎. 仲有執左既瑞榮百貨... 利申:八十後瀝源人

好有好有意思的一集！好感謝你地！

我爹哋媽咪73年結婚已經搬咗入沙田，74年我出細，頭6年都係住响龍華上面啲村屋度，禮拜六夜晚就會落瀝源食飯，富東閣嘅前身，係一定間叫做富瑤酒樓嘅舊式酒家。就係你會見到有樓梯，下面有水池嗰種。富瑤對面有間超市+百貨。叫乜名我已經唔記得lu。

老一輩就人情味濃！都是艱難捱過來的,會有同理心大一些！肯幫助別人度過難關,尤其是屋村,老住客一輩！💪👍！

由禾輋邨入伙就開始住在沙田，最深刻記憶是當年八佰伴開幕時在城門河放煙花，當年小朋友嘅我第一次現場睇煙花。重有就是細個同鄰居踏單車到馬鞍山，恆安邨都未起好，真是好多回憶。中學時期都唔知留左幾多腳毛喺娛樂城間沙龍(機舖)。

唔係住瀝源,但幼稚園同小學係瀝源讀,所以都唔少回憶。最記得小學成日會早到坐係附近巴士站啲櫈等夠鐘行去返學,等果時順便食早餐,上平台上面7仔買枝維他奶飲,飲完再比返個樽佢拎返毫,仲有平台行落巴士站條樓梯底果間士多仔(婦女會附近)都會幫襯,但啲人成日話好污糟@@

很有人情味，資料又充實的影片，值得一讃!

豐昌，以前入邊有得打機🤣（都成30年前）

嘩 依家重有辦館

麵檔啲裝修好有格調! 辦館好有人情味

做得好好👍

我最愛的婆婆住博康邨,童年回憶通常都係新城市廣場，瀝源邨比較少去

夜晚火鍋好食， 響鈴同牛肉出色