Mobil portdan G‘azoga 6200 tonna yuk kirdi 

AQSh G’azo sohilida gumanitar yordam yuklarini yetkazish uchun suv yuziga o’rnatgan 230 million dollarlik mobil port 20-iyun sanasidan qayta ishga tushgan. Platforma ekspluatatsiyasi kuchli to’fon tufayli jiddiy zarar ko’rgani ortidan vaqtincha to’xtatilgan edi. Shu kungacha ushbu port orqali G'azoga jami 6200 tonna yordam yuklari yetkazilgan. AQSh harbiylari hisob-kitobiga ko’ra, mobil portning ta'mirdan keyingi ilk 90 kunlik xizmati 200 million dollarga tushadi. Yordam yuklarini yetkazishga qariyb 1000 nafar harbiy jalb etilgan. Biroq Isroilni dastaklab, qurol va texnika yetkazib berayotgan AQSh tanqid nishonida, mamlakatda va dunyoning ko'plab mamlakatlarida o'tgan namoyishlar Isroildan G'azoda urushni to'xtatish va AQShdan Isroilga yordam va dastakni uzish talablari bilan o'tgan.