Aesa lag raha hae keh maulana sahab ne Aale Mohammad (R.T.A) per durood bari majboori mai parha. Wese Allah ne bhi khoob kia, duroode paak mai Mohammad (S.A.W.W) ke saath Aale Mohammad (R.T.A) per durood parhwa kar kaafi logon per sakht waqt daal diya. Phir hua kuch yun keh aese afraad Aale Mohammad per durood to parhte haen lekin shaayad khush hokar nahi parhte.
Shukar hae aap ne yeh tasleem to kiya keh Allah apne kuch ikhteyaraat nabiyon ke hawalay kar deta hae. Yehi wajah hae keh jo shia Maula Ali (R.T.A) ko mushkil kusha kehte haen, Shion ke mutabiq mushkilen har karnay ka ikhteyaar Allah ne Maula Ali (R.T.A) ko diya hua hae. Yeh aqeeda jis cheez se janam leta hae woh yeh hae keh shia Maula Ali ko Nabi (S.A.W.W) ka khalifa belafasl mannte haen. Yani woh kehte haen keh aakhri nabi ka khilafa bela fasl honay ki wajah se Maula Ali mushkil kusha haen. Rab ki koi sifat gheray nabi mai hosakti hae agar oos bande ka nabi se aesa naata ho lekin woh hoti hae Allah ki taraf se hi.
