7-dekabr kuni Davlat soliq qo‘mitasida O‘zbekiston Respublikasi Konstitutsiyasi qabul qilinganligining 30 yilligi munosabati bilan bayram tadbiri tashkil etildi.
Tadbirda DSQ Raisi Sherzod Kudbiyev so‘zga chiqib, barchani bayram bilan tabrikladi. Yilni samarali natijalar bilan yakunlash va keyingi yil oldimizga qo‘yilgan vazifalarni bajarishda soliq organlari xodimlariga omad va muvaffaqiyatlar tiladi.
Qo‘mita Raisi bayram munosabati bilan xizmat vazifasini bajarishda xato va kamchiliklarga yo‘l qo‘ygan ayrim xodimlarga nisbatan qo‘llanilgan intizomiy choralari muddatidan oldin olib tashlanishini ma'lum qildi.
Shuningdek, ushbu ayyom munosabati bilan fidokorona mehnati ila nafaqat soliq xizmati organlari, balki mamlakatimiz rivojiga munosib hissa qo‘shib kelayotgan 300 nafardan ortiq xodim “O‘zbekiston Konstitutsiyasining 30 yilligi” esdalik nishoni bilan taqdirlandi.
Sadoqatli va mashaqqatli mehnati ortidan yuksak eʼtibor va eʼtirofga sazovor bo‘lgan hamkasblarni davlat soliq xizmati organlarining ko‘p sonli jamoasi nomidan muborakbod etamiz.
27 сен 2024
