Mumbai Clare Road Full Vlog | Dominos, American Express Bakery, St Agnes High School, Zenith Hall 

❤ekno

Assalamwalaquim bhai shukriyaa bahoot clare r oad i like the place snd next make mehrben bakery at grant road station please sit in hotel and sit and have maska paw I watch from uk

New Nagpada from Rolex garden to Bata showroom until Police hospital till Nagpada police station was equally owned by Rose Nesbitt and by the Saboo Siddique family. Aur dono families ne education ke liye kaafi contribution diya. Clare Road hamesha se food hub hai. Entrance par jo building jahan aaj Bata showroom hai uske saath hi Corona shoes ka showroom bhi hota tha. Dono jagah now famous Bata price apply hoti aur school ke brown canvas shoes 19.95 rupees me milte the. White sports canvas 14.95 rupees me. Us zamane me bas ye hi shoes chalte the fir Gulf boom ki wajah se foreign ke Nike Reebok shoes aam hue. Bata showroom jab shaam ko band hota to uske aage ek kulfi icecream wala large tiffin size containers me alag alag variety ki ice creams slices as per weight patte pe serve karta. Bata showroom ki seedhiyo pe baithke wo ice cream khane ka alag hi maza tha. Right me JJ ki taraf turn lo to ek restaurant tha. Usi ke aage ek fast food joint jo ki shayad area me pahla joint hoga Hasty Tasty khula shayad Sigdi walo ka pahla venture tha. Usi se thoda aage ek Pani Puri wala jiski quality Chowpatty se bhi badhiya. Thoda aage Binny's showroom jahan saare schools ke uniform cloth milte the. Ussey aage legendary Linnet Tailor jo easily 50 saal se to hoga hi. Bata showroom exact opposite Asma stores another landmark shayad 50-60 saal purana hoga hi aur ussey saath ek hotel. Jaise Asma stores is road ke shuru me hai waise hi road ke aakhir me Rolex hotel aur ussey lagkar Liberty stores jo 50-60 saal purana to hoga hi.

Jisko aapne shadi ka hall bataya wo Christ Church school jiske grounds me functions hote hai. Christchurch ke entrance Sigdi restaurant ussey pahle wahan ek Irani Bahai ka restaurant tha jahan decent enough keema pao aur chai milti thi. Thoda hi aage ek bookstore jahan bachcho ki Fairy tales Sindbad AliBaba Chandamama Champak books milti thi. Fir aaya VCR ka zamana aur comics ki jagah Tom n Jerry ki animation movies ne li aur bookshop was sold aur uske naye owner ne wahan video cassete rental shop open ki. Thoda hi aage and exact opposite to St Agnes Sharbat wala tha jiske paas world's best falsa sharbat milta tha aur usi ke aage ek darakht ki chhaon me ragda/chana-batata wala whose quality was as good as Bohri Mohalla. Aaj ham log din me 25-50 photos lete hai aaj se 50 saal pahle special occasion pe photos lene ke liye naha dho kar kadak istree wale kapde pahan kar Fatima studios me se photo nikalte the. Fatima studio was owned by 2 Christian brothers. Haa sharbat wale aur Fatima studios ke beech ke Monginis ka shop tha jisme 8 aane ya 50 paise me ice cream cone milti thi. Aaj jahan petrol pump aur police quarters hai 100 saal pahle wo bhi maidaan tha. Uske opposite jahan Sagar Classic hai udhar Dukes soda wale ki factory hoti thi. American Express Bakery 100 saal se hai. Nagpada me Bakery culture unse hi shuru hua. Ussey thoda aagey bone setters baithte aur Chinese dentist bhi tha shayad ek palmist ya jyotishi bhi tha baad me udhar sports equipment ka shop khula uske baad Central classes. Ussey thoda aagey Jyoti restaurant shayad Nagpada ka akela vegetarian restaurant. Uske saamne jahan aaj La vision tower hai udhar Makka watch company aur usi se lag kar Madina Watch company thi. Wahan se street JJ ko connect karti hai aur jispar Saboo Siddique college hai uska naam hai Shepherd Road. Saboo Siddique college ke saamne hai Police MT section jiske andar ek khoobsurat lekin chhoti si masjid hai...Moti masjid. Moti masjid Yunus Khwaja naam ke shakhs ki koshishon se amal me aayi. Yunus Khwaja was Inspector in Bombay police. Fir end me Rolex garden ke andar peechhe ka hissa aam public ke liye band tha jahan kuch hibiscus 🌺 ke plants ke beech shayad qadeem qabre hai shayad yahoodiyo ki. kyunki is ilaqe me yahoodiyo ka qabrastan tha kaafi time ke baad Dr E. Moses road wala Jewish graveyard bana.

Sabse pahle to karodo salaam un Christians institutions ko jinhone 2 badhiya schools St Agnes aur Christ Church New Nagpada me banaye jiski ek sadak ka aage chalkar naam Clare Road hua. Ek zamane me ye saara New Nagpada naam se jaana jaata tha and was part of Byculla aur bas khula maidan tha jahan ghode ghaas charte the. Half of the land was owned by Rose Nesbitt jinke naam pe Mazagaon ka Nesbitt Road hai jis par St.Marys school hai. Rose Catchick an Armenian Christian married a British officer Andrew Nesbitt hence the name Rose Nesbitt. Rose Nesbitt also owned almost half of Mazagaon.

Bombay no 9 ka banao

Masallah bhai muslim ariya hai

1920 ke aas paas jab Europe me Yahoodiyo ke liye shadeed nafrat (anti-Semitism) aam baat thi usi waqt Byculla me angrez police officer ki posting hui jiska naam Gilchrist tha ( first name unknown but the surname spells same as the famous Aussie cricketer Adam Gilchrist). So officer Gilchrist bhi anti-semetic tha Yahoodiyo ko pareshan karta tha. Lekin 1927/28 ke aas paas Nagpada junction par kisi jhagde ke dauran MadanPura me rahne wale kuchh Pathano ne Gilchrist ko chaku maarke uska murder kiya. Ye pathan Parel Lalbaugh ke mills me security ka kaam karte the lekin inki asli duty mill maaliko ki marzi se mill workers ko darane dhamkane ki thi. Gilchrist ki maut se New Nagpada ke Yahoodiyo ko thodi rahat mili.