Tunge i nih?
Enge i tih?
Mite'n tunge i ni an tih?
Han hawi vel teh, i kiangah te, eng thil te'n nge ni hual vel che?
Thlir let la i kawng zawh tawh, i thlen thui tawh zia hi ngaihtuah rawh.
Eng i ti nge tuna taka, i tumna laka, i inkiltawih tak?
A nih rau rau, a ruh no no, tihna khawvelah hian enge i chhuanlam?
Beiseina meichher a mit ta mi?
Beidawnna i tih chu kha kha ami?
Thinlung keh, ti ringawt lo khan dakchhuak la inthing harh teh.
Enge ni i nghahfak? 'tiang ringawta lusun ianga indawm kun khan?
Thil zahthlak, tih hre ta che rinna neia thlirtu che tan.
Nang chauh i ni lo, tih hriat nan lamlianah te leh dai velah,
Vak vel la en rawh le,
Hlawhtlinna chan tuma beitute,
An nghak lo che, an kal zel e.
Ngaihtuah chiang rawh aw i tanfawng tur, nang hlau leh khur, anla ti ang che.
Chu'ng ni a thlen chuan i chung a pik e.
|hian tih a ngai lo nangmah khan i chakna zawngte kha sawmkhawm rawh le.
Ka ui ka ar i tih thin i lamhnaite paw'n an hnungchhawn tawh che.
I rinchhan leh i beiseite an thamral dawn.
A rahchhuak lo maithei e, an zamral dawn.
Thaw la det la insangmar teh.
|ang leh hret la enge har le?
Thih leh thih, dam leh dam, kara leng hian enge i lungkham?
I nunna turin tlanchhuak rawh, Sodom khaw ianga i rawp ral hmain.
Aw 'tikhan...
Dinchhuahna tura i hmaa thil awmte chu ban rawh le, pan rawh le, i awrawl chhuah la, an lairil thlengin fan rawh le.
Zam leh khura i awm thin lai, i derdep nite i kal pel tawh.
Tawlh leh tura i huang rawn dai, an ngam a nih chuan chhintir rawh.
Hnim hring ringin an chhaihbuai lon'g, Chungmuvanlai, mai mai a...
I hun leh ni, a thlen tawh hi.
I thawmah an ti, an meng phili
Rei a rial lo, alo kir ta e hman ata tawha nun kawngbo.
A thil tumah a chiang tawh, a hnungtawlh dawn lo,
A chham ngei dawn e hnehna hlado
A thlen chin a ngap, la dai kai ngai loh ral lehlamah chuan a chhingmit a len.
A thul mawng a dap, a puanven a sawichhing, a fehchhuak ta e a lulak chem nen.
Mahni lu zuar an nimai a hmaa ding ding.
Kut thak an tuar a nimai tumaw inluling?
Tawlh kiang rawh kha, Tukuli nen lamin a nih kha a rawn hel nuai dawn!
A hlah lo sa, an mang phiar ang, Mitthi khuaah an tel thuai dawn.
Hma a rawn tawng e, a zawng mi lu, dar an khawng e, inral ring ru.
Tunge i nih nang?
Tunge i lamtang? tih hawia zawhna a dawn chhunah.
Thawm a Rilian ang, Zoramthang, khawpa kil tin a Hawl hunah.
Tih chu a chhanna, chhun leh zana, lei leh vana, mi reh hlana tih thlaphana, awm reng thin a.
Hlauhthawnna a khat nun thlabar
Lungngaihna chhumte'n a an hualvel thin khan a zawngchhuak ta e nunna hnar.
Doral lian e lian love a ti, vaivut atanga din theuh theuh.
Kawng min kian e, kian love a ti.
A daltu apiang a phil pheuh pheuh.
A kawngzawh chhuk chho, a ngaihtuah tawh lo, hnim hling nei leh buara khat.
Mahnia tual to, a tul leh mualpho,
a tawng bik em love tu nuihzat.
Kiansan tawh rawh pawi tur a awm lo, anni ho nena inzawmna hlat.
A hun tawh lo, inkiltawih avanga mi hmuhphak lohva bik bo bik bo,
an chik lo, an thik lo nun bawksawp.
En rawh i hma lawka thil inchhawp.
An kuai bungbu anga zangkhua,
runlui a lehluan dawn.
Hun rei tak ata tawha i vaihna kawng a tawp dawn e.
Fiah taka mengin tunah khan khuavel hi chhing rawh le.
"Heihi maw, ka hmaa ding chu?
Chheiraw!
A tluk ring ru
Chemhrah Lalho, chhuan mang rorel,
ka ei bo bâr tur a tu'n maw lo bel?
A dinchhuahna tur a ke A Bilha Tho Lo"
19 окт 2018