Bir payız tənhalığı Lal sükut içində səssiz keçirəm, İlk dəfə payızdan sənsiz keçirəm Mən də əriyərəm,mən də itərəm, Bir xəzən yelində otdan betərəm. Söykənim hansı bir gücə bilmirəm, Keçirəm deyirəm,keçə bilmirəm Məni bu payızın içindən keçirt. Xəzəl ayağımı ayaqlar mənim Daşqalaq eləyir yarpaqlar məni, Əvvəl payızlarım belə deyildi, Bu nə tənhalıqdır bu nə qəm,kədər, Sən Allah ruhunu dalımca göndər, Məni bu payızın içindən keçirt. Bir gül yarpağına-qanadı islaq- Sığınıb durmuşam kəpənəksayaq, Çiçəyim yarımcan,otum yarımcan, Sən Allah bir qanad göndər dalımca Məni bu payızın içindən keçirt. Yarı alatoran,yarı işığam İndi günbatana yol gedir idim Bu xəzan içində sarı işığam, Qırmızı işığım yandı-gecikdim! Məni bu payızın içindən keçirt. Əbrüşüm belinə belim demişdim Çinar yarpağına əlim demişdim- O da budağından üzüldü düşdü. Qoyma üşüməyə çılpaq əlimi, Tut götür torpaqdan yarpaq əlimi Məni bu payızın içindən keçirt. Səni səsləyirəm,gələrsən haçan?- Bəlkə son körpümdü,sonuncu keçid, Ağ atlı bir nağıl göndər dalımca Məni bu payızın içindən keçirt.
Ou allahim seni gorusun musa yagub terifi yox her misralar sanki dile Gelib daniwir axlimi bawimdan cixarir neyleyim mende ela werlerin vurgunuya allahim bu sozlerin ayrligda giymeti adice soz ancag boyuk ustad nece giymetli cumleler duzelmiw doyamiram doyulmur
