صحة .. لكن جربيها مرة تانية بطريقتنا الاصلية نحنا نقطعوا في الخضرة تقطيع كبير بعدين نصفوها ومانفرموش في الطماطم ومافيهش صويا صوص ابدا واللحم مش هبر بعظم ومستحيل نحطوا فيها كسبر او كمون هذين بهارات مصرية اكتر شي يطيبوا بيهن
المكرونة (المبكبكه) كوب شاهي صغير زيت ذرة يوضع عليها نصف بصلة مقطعة صغير ثم يوضع فوقه قطع اللحم او الدجاج تم يوضع ملعقتين طماطم معلبة( صوص الطماطم) ربع ملعقة كبيرة كركم(بزار) وربع ملعقه كبيرة فلفل أحمر مطحون ونصف ملعقه كبيرة ملح قطع بطاطا وقطع طماطم طازجة حسب الرغبة تترك على النار حتي ينضج اللحم مع تخفيف النار من تحتها بعد استوا اللحم تضيفي حوالي لتر ونصف ماء وعند غليانه تسكبي حوالي400غرام من أي نوع من انواع المكرونة تضعي هنا قرون فلفل حار وتنتظري عشر دقائق مع التحريك كل شويه وهكي تكون خلصت الوصفة والاحلي لما تجيك خيففة يعني ما تكونش المرقة امتعها ثقيله وألف صحة وعافيه على قلبك متابعتك من طرابلس ليبيا
انا من ليبيا وطريقتي لي الكل يحبها مني اول شي تقرضي بصل شرائح وتشوحيه فالزيت وبعدين تضعي الدجاج او اللحم وبعدها تضعي طماطم مقرض شرائح وبهارات وملح وصلصه طماطم وكركم وبزار احمر ونحركها ونضيف شوي ماء ونخليها تبكبك شوي وبعدين نضيف ماء حتى يطيب اللحم ونصفو اللحم والبصل والطماطم ونحط ماء على الصلصه المتبقيه ولما تغلي نضيف المكرونه ونضع فلفل وشوي قرفه ونحركها ولما اطيب خلي فيها شوي صوص وبالهنا
يعطيك العافيه بس امبكبكه اللي سويتها مو اصليه مغيره المكونات شوي اهم مكوناتها زيت وبصل ولحم وملح وشوي كركم وفلفل احمر chilli powder نصف ملعقة و طماطم معلب ملعقتين او ثلاثة مو اكثر تشوحي المكونات مع بعض وحمص حسب الرغبه وبعدها اضيفي ماء وممكن بعد شي نصف ساعه اضيفي بطاطا مقطعه وعند التقديم ممكن اضيفي ريحان او شبت فريش او مجفف للنكهة مو شي ضروري
ماشاء الله عليك ... لاكن طريقتنا نحنا الليبين في المكرونة مش هك بكلل😅 شوف . خذي طنجرة وحطي فيها بصل مفروم متوسط مش مفروم هلبة وزيت اقليهم مع بعض وحطي معهم لحم شوفي لو تبيها حلوة زين خذي لحم خروف صغير مش لازم هبرة عادي حتي بالعظام ..اقليهم مع بعض ع نار هادية . الخطوة تانية البهارات الاصلية ..(ملح.فلفل أحمر .وبزيرة .) فقط فقط .طبعا شوف المقدار ملعقتين صغيرة بزيرة .ملعقتين صغيرة ملح وبعدين انت علي حسب.وملعقة وحدة صغيرة فلفل احمر . وحطي مقدار ملعقتين كبار طماطم علبة عادي مش لازم خضرة .خليهم شوي ع نار هادية...وصبي عليهم مية ...وخليها ع النار لمدة ساعة .. وراقبي المية وحركي بين الحين والاخر.. خلاص كان مرة ساعة صبي مكرونة وحطي فلفل اخضر وخليها ع نار هادية لمدة تقريبا عشر دقايق بعدها ذوقها لقيتها طابت سكري عليها وخليها في طنجرة شوي .وغطيها . لقيتها مزال تبي بعد عشر دقايق زيديها شوي وشيك ع الملح ...قبل لاتسكري ...وصحتين وهناء ...وتجي معها مخلل وسلاطة خيار وطماطم ... وتجي حتي بلحم الدجاج .....
عفوا الطريقة خطأ في المبقبقة احنا الليبين مانحط فيها الصويا صوص ايضا مانحط فيها الكمون بس نحط كسبر اخضر وشبت اخضر ومعدنوس على حسب الرغبة وممكن بدون خضرة