СССР қулаб, Ўзбекистон Совет социалистик республикаси Ўзбекистон Республикасига айланганига 30 йил тўлди. Бугунги кунда кўпчилик Биринчи президент 1991 йилнинг 31 августида Ўзбекистонни мустақил, деб эълон қилдию мамлакат мустақил бўлди-қўйди, деб ҳисоблайди. Аслида мамлакат мустақиллиги 80- йиллар охири ва 90- йиллар бошидаги демократик жараёнлар натижаси, ҳосиласи эди.
Ўша жараёнлар иштирокчилари йиллар давомида ўтказган йиғилишларида нималарни муҳокама қилган, мамлакат бош майдонида ўтказган кўпмингкишилик митингларида қандай шиорларни ҳайқирган, ўша шиорлар замиридаги талаблар 30 йил давомида бажарилдими? 30 йил олдинги демократик митингларни эгнида милиция формаси билан кузатиб турганлар нималарни ҳис қилган? Ўзбекистонликларнинг янги авлоди, ҳатто мустақилликдан ҳам 10 ёш кичик авлод мамлакатнинг энг янги тарихини биладими?
OzodRakursнинг бу сонида шу саволлар жавобини излаймиз ва кўрсатувга бу саволларни беришимиз мумкин бўлган меҳмонларни таклиф қилганмиз.
Меҳмонларимиз:
Тошкентдан Дилором Исҳоқова, шоира, фаол жамоатчи, Ўзбекистондаги илк демократик ҳаракат - “Бирлик”нинг асосчиларидан бири.
Тошкентдан Санжарали Имомов, 80-йиллар охири, 90-йиллар бошида ички ишлар, кейинроқ прокуратура ходими. Юрист, драматург, публицист,
Тошкентдан Жавоҳир Омонуллоҳ, талаба, ёши 20 да.
***
SSSR qulab, O‘zbekiston Sovet sotsialistik respublikasi O‘zbekiston Respublikasiga aylanganiga 30 yil to‘ldi. Bugungi kunda ko‘pchilik Birinchi prezident 1991 yilning 31 avgustida O‘zbekistonni mustaqil, deb e’lon qildiyu mamlakat mustaqil bo‘ldi-qo‘ydi, deb hisoblaydi. Aslida mamlakat mustaqilligi 80- yillar oxiri va 90- yillar boshidagi demokratik jarayonlar natijasi, hosilasi edi.
O‘sha jarayonlar ishtirokchilari yillar davomida o‘tkazgan yig‘ilishlarida nimalarni muhokama qilgan, mamlakat bosh maydonida o‘tkazgan ko‘pmingkishilik mitinglarida qanday shiorlarni hayqirgan, o‘sha shiorlar zamiridagi talablar 30 yil davomida bajarildimi? 30 yil oldingi demokratik mitinglarni egnida militsiya formasi bilan kuzatib turganlar nimalarni his qilgan? O‘zbekistonliklarning yangi avlodi, hatto mustaqillikdan ham 10 yosh kichik avlod mamlakatning eng yangi tarixini biladimi?
OzodRakursning bu sonida shu savollar javobini izlaymiz va ko‘rsatuvga bu savollarni berishimiz mumkin bo‘lgan mehmonlarni taklif qilganmiz.
Mehmonlarimiz:
Toshkentdan Dilorom Ishoqova, shoira, faol jamoatchi, O‘zbekistondagi ilk demokratik harakat - “Birlik”ning asoschilaridan biri.
Toshkentdan Sanjarali Imomov, 80-yillar oxiri, 90-yillar boshida ichki ishlar, keyinroq prokuratura xodimi. Yurist, dramaturg, publitsist,
Toshkentdan Javohir Omonulloh, talaba, yoshi 20 da.
Uzbek | Uzbekistan | Ozbekiston | Ozbek | Yangiliklar | Xabarlar | Mirziyoyev | Tezkor |
#Ozodlik #OzodRakurs #Mustaqillik30
29 авг 2021
