Myagmarsuren.B Uur shuniin oddoos asuugaarai 

үг. СГЗ З.Түмэнжаргал
ая. УГЗ Төрийн соёрхолт Б.Шарав
ҮҮР ШӨНИЙН ОДДООС АСУУГААРАЙ
Хайр үгүйлсэн зүрхээн аргадаад
Хайлан уяран дуулж л явнаа би
Сэтгэлийг минь ойлгоод шүүрс алддаг
Сэвшээ хонгор салхинаас асуугаарай
Учрал хүссэн сэтгэлээн хуураад
Уяран догдлон хүлээж л явнаа би
Намайг өрөвдөөд шүүдрээр уйлдаг
Намуу хонгор цэцэгнээс асуугаарай
Үйлийн үртэй дурлал хайрыг минь
Өрөвчхөн сэтгэлээр дурсч яваарай
Өнчин дэрээ сэмэртэл мөрөөддөгийг минь
Үүрийн шөнийн оддоос асуугаарай