#Xezer #Suleymanli #Fan #Xəzər #Süleymanlı Xəzər Süleymanlının rəsmi kanalı oğurlanıb və videoları silindiyi üçün yeni kanal açıb bu videoları yükləmək qərarına gəldim.
Etiraf şeirinə cavab( şairin xanımının adından yox, bütün xəyanətlə üzləşmiş qadınların adından): Fikirli gəlirsən,dalğın gəlirsən Bilmirəm ürəyin axtarır kimi, Bəzən gec gəlirsən,yorğun gəlirsən Gözüm qapıdadı gələnə kimi. Xəbərsiz deyiləm olub bitəndən, Birini üzünə vurmaq istəməm. Yalandan üzünə gülürəm elə, Nə deyim? Üzünə durmaq istəməm. Hər kəs taleyilə gəlir həyata O qədər qəlbimi qırmısan mənim Balalarım üçün mülayim ata, Ən dəcəl uşağım olmusan mənim. Uzaqdan dağ kimi səbrli qadın, İçimdə uçurumlar gizlətmişəm, Çay süzmək nədir ki onun yanında Səni isitməkçün hey döyüşmüşəm. Üzündə kədərdən bir iz görəndə, İstərdim dərdinin əlacı olum. İstədim mən sənin sevgilin olum, Əvəzə həm ana,həm bacı oldum. Şeirin deyildi məni kövrəldən, Bəxtimə yanırdım mən için-için, Bütün kədərimi silib üzümdən Hər dəfə yalandan güldüm səninçün. Bir əlim mətbəxdə,qabda-qaşıqda, Bir gözüm istidə-tüstüdə idi, Bir əlim beşikdə,oğul-uşaqda, Bir gözüm həmişə üstündə idi. Yollar çarpaz-çarpaz, Yollar qarışıq, Gecə yol gəlirsən qulağı səsdə, Bizim pəncərədən sayrışan işıq, Mənim ürəyimdi, yanır hər gecə. Fikirli gəlirsən,dalğın gəlirsən Bilmirəm ürəyin axtarır kimi, Bəzən gec gəlirsən,yorğun gəlirsən Gözüm qapıdadı gələnə kimi.
Həyata bir dəfə gəlsə də adam, Elə dərd əlindən eləcə dadam, Sufatım xortdana oxşayır… şadam, Min kərə dirilib - doğuluram mən, Özüm oz içimdə böğuluram mən. O ki var, düuyanı gəzdim, kefləndim, Qəlblərə yağ kimi sızdım, kəfləndim, Nə züryət* qazandım, nə də evləndim, Qısır buğa kimi soğuluram mən, Özüm öz içimdə boğuluram mən. Ürəyim darıxır, havası çatmır, Eşqimin davası - şavası yatmır, Cəngindən beşbarmaq yavası* atmır, Bir qızın əlində sıxılıram mən, Özüm öz içimdə boğuluram mən. 29.06.2022. İsa Məsih.