Nüsrət Kəsəmənli - Sevmək hələ ömür deyil!
Bəstəkar - Emil Şahin - Xəyallar
Məhəbbətlə öpür dağı
Bulaqların buz dodağı,
Yaşatmasa bir budağı
Bulaq hələ ömür deyil.
Odun yanmaqdır marağı,
Kibritin oddur yarağı,
Yandırmasa bir çırağı
Yanmaq hələ ömür deyil.
Gərəksiz yanacaqdısa,
Quruca od-ocaqdısa,
Buludda qalacaqdısa
Günəş hələ ömür deyil.
Nəyə lazım qulaq karsa,
Partlayacaq ürək darsa,
Fikri, düşüncəsi korsa
Görmək hələ ömür deyil.
Kül üfurmürsə hicrana,
Əgər gülmürsə hicrana,
Dözə bilmirsə hicrana
Sevmək hələ ömür deyil!
15 окт 2024