Musiqisi: Əlibaba Məmmədov
Sözləri: Mikayıl Müşfiq
Günlərim axışır bir uyqu kimi,
Dərədən dərəyə axan su kimi.
Dilbərim hərcayi bir ahu kimi
Hicran dağlarını aşarmı, söylə?
Sənsiz nə zövqü var bağın, baharın,
Açan çiçəklərin, uçan quşların?
Sənsiz cənnət olsa kainat yarın,
Heç mənim ruhumu oxşarmı, söylə?
Səninlə bağlayıb mən əhdi-peyman,
Dedim, qismətimiz olmasın hicran.
Müşfiq quş olsa da görəsən bir an
Səndən uzaqlara uçarmı, söylə?
27 авг 2024
