/ _n.a_d.o_
Bir qızın qəlbini necə bilmədən qırmışam,
O zərif hisslərini axı necə sındırmışam.
Tanrım, bir şans tanı mənə, günahımı yumaq üçün,
Axtarıram onu yenə, son kəs bağışlanmaq üçün.
Nəqarət:
Hər bir göz yaşının damlasının axmasına mən səbəbkaram,
İlk öncə Allahın, sonra da sənin qarşında mən günahkaram.
***
Bilirəm, yenə günahkar mənəm,
Olanlara səbəbkar mənəm.
Həmişə mən yol verdim səhvə,
Amma sən də bağışladın hər dəfə.
Bəs bu dəfə nə oldu, unutdun,
Aramızdakı sevgini soyutdun.
Nə olardı, son dəfə şans versən,
Bilirəm, mənə çox şans vermisən.
Amma mən sənin dəyərini bilmədim,
Ağlayanda göz yaşını silmədim.
Sormadım dərdini, özümü yormadım,
Əllərini tutub, sənə yaxın olmadım.
Gözüm oldu həmişə başqasında,
Başqasının soyuq yatağında.
Elə bilirdim, yenə əhv edərsən,
Yenə bağışlayıb, yenə sevərsən.
Tanrım, bir şans tanı mənə, günahımı yumaq üçün,
Axtarıram onu yenə, son kəs bağışlanmaq üçün.
Nəqarət:
Hər bir göz yaşının damlasının axmasına mən səbəbkaram,
İlk öncə Allahın sonra da sənin qarşında mən günahkaram.
***
Susma, danış, sənə bağlıdır bu ürək,
Yenə sevginlə alış, əvvəlki tək.
Gərək olmayaydı, amma oldu,
Mənə görə hər dəfə gözlərin doldu.
İndi çəkirəm peşmançılıq əzabını,
Ödəməliyəm o günlərin hesabını.
Axı, nə haqqım var idi qəlb qırmağa,
Boş yerə göz yaşı yağdırmağa.
O ki mənə qarşı günahsız idi,
Amma yenə dözürdü, əlacsız idi.
Çünki sevirdi, qəlb yanırdı,
Pis gündə xoş günləri anırdı.
Sanırdı ki hər şeyi görəcəyəm,
Səbrinin tükəndiyini hiss edəcəyəm.
Xoş xatirələr təsəlli idi ona,
Göz görə-görə çatdı hər şey sona.
"Günahkaram" (söz, musiqi: N.A.D.O.)
aranjeman: Elvin Musayev
səs rejissoru: Hatəm Nəbioğlu
20 окт 2024