Title : Na'an sin'karima.
singer : Lemarson marak.
cast : Manseng marak
Frellisha marak
Lakki marak
Ia music video ko darangba skatang upload ka'pajaode nambegen plakon mitela.
Lemarson B. Marak-ni gitalgipa video-ni git.
Na•an sin•karima ?
Kan•dike talatani: Sin•kari sokbaon mikka waanirangba komiroroange a•ao chijimatanirang olgrokanga. A•arang chijimatako man•jahaon ran•e dongengagita ong•enganigimin sin•kariko a•rankari ineba minga ine an•ching darangan ui•a. Sin•kari sokbajokon guri-ni bimangba nabaroroa aro A•chik a•songo me•gong bibalni boksoso dake bibalanirangkoba nikna man•a. Aro ia kari ba season-ara dingtangmancha mandeni gisikna katchaanikoba on•a. Ia gitko segipa mande sin•kari ba a•rankari-ni gunko; uni rotoani; dongtoaniko cha•chote su•unikaniko me•chikni bimango done A•chik me•chik nitobegipa daknangbegipa Sore aro Giting-ni nitoani baksa toe seaha. Me•apa budepa gitchamrang golpo-o Sore aro Giting-ni nitoaniko agilsako darang ong•atgimin nitoanirangna bata ine agana, uamangni re•pakangon uamangko nina rikdingdingenggipa manderangara, uamangni stuatakon jako sachakna gitik dakpilana. Gitko segipa mande sinkari sokbaon Sore aro Giting-ni re•baako niksoe kusi ong•soagita chacha gisiko katchasoani gnang ine agana. Sore aro Giting-ni re•pakangangon uamangni daknangachi muni nangatako man•e gisiko mikchatokbeahaoba uamangni bimangko maming dakeba dangtaprikna aro rim•dapriknade patokjaha. Uamangko dangtaprikna man•jahaoba, gisiko uamangko nikrike suk ong•rikagitan, sinkari-ba gisikna katchaaniko done re•angpila. Sin•kari sokbataianiko gisiko nangnike sengsoaniara Sore aro Gitingna mikchae gisiko jada changenggiparang uamangni bimangko niksotaina sengsoagitan chacha ong•a. Indake sin•kari ba a•rankarini su•uako mechikni bimango done seahanigimin, sakoba nikara dongkuja bimungkora knaa dakgipa mandeko banoba gronggako sing•engagita na•an amika minggipama ine miksonganio na•an sin•karima; na•an a•rankarima ine janapaha aro uni gunko de•mitelnagita, na•an Sore Giting angni, ang ka•tongni rani ine parakaha.
11 сен 2024