Die waarheid vervat in die woorde van hierdie lied is so universeel wat tot enige mens se diepste binneste spreek. In beide gevalle van die verwondering van die idilliese verliefdheid met sy droom verlorenheid en die meer dieper ernstige hartstog van die Liefde met sy verwondering van die waarheid waar binne twee geliefdes hulleself bevind, word op die mees eenvoudigste manier dog verbeeldend perfek, manjefiek verwoord terwyl die video beeld materiaal die perfekte eenvoud van hierdie universele waarhede deeglik en prakties vaslê in 'n mens se geheue sonder dat jy 'n oomblik se verveligheid in die musiek video vind. Die melodie van hierdie nuwe skepping van Nadine spreek weereens beide van haar unieke klank en talent. Die tegniese versorging van die musiek en die video is ook weer soos verwag van uitstaande gehalte. Ek glo dat hierdie weereens 'n treffer vir haar sal wees en dat hierdie talentvolle kunstenaar beslis nou eers haar kunstenaars vernuf begin toon in die hoofstroom musiek en vir die Afrikaanse musiek bedryf vele groot immergroen treffers sal besorg. Waarlik 'n kunstenaares om fyn dop te hou. Netjiese werk en puik uitvoering Nadine. Beslis nòg 'n nommer 1 treffer.
