Namar La Ka Ri - KSU [kyntien:Lambokstar Marngar], |SF.Mylliemngap & Kynhun 

• Video
Kane ka Jingrwai kaba la Ai Kyrteng NAMAR LA KA RI, ka dei kaba la thoh bad pyn wan dur ha ki kyntien jingrwai da U Samla Lambokstarwell Marngar U President ba Rangbah Jong ka KSU.
Ha ki jingiaid lynti ki Khun samla ban shakri la ka Ri ki la don bun bah ki jingtynjuh ,ki jing pyntieng pyn smiej bad ki koh tympan ki ba ha rukom khamtam ia ki Samla ki Ba Ieng Skhem halor ka Nongrim.
Ki nong prat lynti naduh u Snem ba la suit la Shor ia Ka KSU ha u Snem 1978 ka Nongrim jongka ka long ban IENG,ban SHAKRI bad IADA NAMAR KA RI ym don da kumwei pat ki jingthmu Hynrei kaei kaei kaba ki Dkhot ki Ieng Iakhun ka long beit tang namar jong ka hi. Ha kane ka jingrwai La sngew dei ban Ai burom eh ia baroh ki para dkhot jong ka Jaitbynriew khamtam ia ki Samla Ka KSU naduh ki Dkhot na Ki Units,Circle bapher bapher bad kumjuh ia ki Nongkit kam ha CEC jong ka KSU khamtam bad kyrpang ia ki Nongialam ba la saiñdur ia ka Rynñieng Rynñiot jong ka Seng kumba ka long mynta kumba ka long.Ha kaba la don Napdeng ki Nongialam ki dang don ha kane ka Snieh jong ka Sla Pyrthei bad don ruh kiba la bam kwai ha Dwar jong u Blei. Kumba ki Nongialam ba ha Shwa ki La saiñ dur ia ka Shlem IEIT RI kumta ruh u wei pa u wei u Dkhot ka Jaitbynriew un IENG NAMAR KA RI.
Ngi ngeit ba ka Jaitbynriew kam long ban shu shah kynoi thiah sur myllung tang ha ki Jingrwai hynrei Ngi Ngeit pat ba ki Kyntien bad ka Sur Myllung ki Riew Donsap kan Pynlung bad um Dohnud shisha ia ki Nongsngap, kan sa pyn khih mynsiem wat ia u Bym ju khih ruh.
Mynsiem ki Samla hapdeng jing lynga,la bun tylli ki snem,ngi don ha madan thma,la ka dei ban iap to ai ngin iap,Namar ka Ri ngin shah,Ban wan long trai kiwei Da lei lei Em ngim Kwah..
MAITSHAPHRANG KHLUR KA RI TO NGIN IENG LANG NAMAR KA RI
(La Shna ia ka Sur jingrwai Da : I Bah S.F Mylliemngap.
Ki Nongrwai : Wonderson Mylliemngap, Skhemborlang Myrboh bad Kerdalin Mylliemngap)
Music : Mewan E Nongsteng
Recording : Wonder's Music Studio