Nawasa Hu Payambar Ka Mujhe Shabbir Kehte Hain New Moharram Kalam Mohammad Ali Faizi 2024
Nawaasa hu payambar ka mujhe shabbir kehte hain
Meri maa fatima zahra mujhe shabbir kehte hain
Wo ghar jis mein ijaazat le ke aate bulbul-e-sidra Usi ghar ka hu parwarda, mujhe shabbir kehte hain
Hasan mere bade bhai to zainab hain bahan meri Mere baba ali maula, mujhe shabbir kehte hain
Chacha hain mere waalid ke janaab-e- sayyidushshuhda
Bhateeja hu main jaa'far ka, mujhe shabbir kehte hain
Mohabbat mujh se jo karta hai us ko jaam kausar ka
Pilaenge mere naana, mujhe shabbir kehte hain
Nabi naana ali baba, hasan bhai to maa zahra
Hai kis ka khaandaan aisa, mujhe shabbir kehte hain
Yazeedi faujio sun lo main tanha sab pe bhaari hoon
Ali haidar ka hu beta, mujhe shabbir kehte hain
#karbala #manqabatimamhussain #mohammadalifaizi #mohammadalifaizinaat
27 авг 2024
