Yoo Geno teddin on. Barke e bonande fof ko gila ndeer galle. Fulbe mbii ko ' loocol bucetee ko gila ko koccol'. Gorko noon ko kodo galle. Gorko, yiilotto nafoore adda, debbo noon, woni deenoowo, ko debbo nehata, fewna kala ko woni e galle. Debbo jibini gorko e debbo heno mum. Kala e been peewdo maa boni, duum heptiino ko gila e neehdi mum. Kaalden cadeele ndeer galle mbeli maa renndo men feew, leñol men yahra yeeso. Yoo Geno wonan en Ballo