ནག་ཆུ་ཁ།
ཚིག་དང་གདངས། ཁྲམ་པ་བུ་ཚན་སྡེབ།
ལེན་མཁན། ཁྲམ་པ་བུ་ཚན་སྡེབ།
ཆུང་ནས་འཚར་ལོངས་བྱུང་ས།
ཕ་ཡུལ་ནག་ཆུ་ཁ།
གཞོན་ནུའི་ལང་ཚོ་རྒྱས་ས།
ཕ་ཡུལ་ནག་ཆུ་ཁ།
སྟག་ཤར་གཡས་ནས་ང་རྫིག་ཁོ་རྫིག
དམན་ཆུང་གཡོན་ནས་ང་མཛེས་ཁོ་མཛེས།
མདོ་བའི་བང་རྩལ་འགྲན་ས།
གེ་སར་སྒྲུང་གཏམ་དར་ས།
ཨ་ལ་ལ་མོ་ཨ་ལ་ལེན།
ཐ་ལ་ལ་མོ་ལེན་ནས་འགྲོ་དགོས་རེད།
གླུ་ཨ་ལ་ལེན་བཞིན་ནག་ཆུ་ཁ་ལ་འགྲོ།
གླུ་ཨ་ལ་ཨ་ལ་ཨ་ལ་རེད།
མ་ཐ་ལ་ངག་གིས་འགུག་ལུགས་རེད།
ཡང་ས་འདི་ས་ངོ་མ་ཤེས་ན།
སོག་གཡག་ལ་སེ་བོའི་ལ་རྩེ་རེད།
བུ་དབང་ཐང་ཅན་གྱི་རྒྱབ་རི་རེད།
བསང་རླུང་རྟ་མཆོད་ན་འདི་ནས་མཆོད།
དུས་དེ་རིང་བུ་ལ་སྡོང་གྲོགས་མཛོད།
ཕ་ཨ་མྱེའི་གླིང་སྒྲུང་ཉན་ཉན་ཉིན་སྒྲུང་གཞན་ཉན་ན་ཉན་འདོད་མི་གདའ།
བྱང་འབྲོག་པའི་དམངས་གླུ་བླངས་བླངས་ཉིན་གླུ་གཞན་ལེན་ན་ལེན་འདོད་མི་གདའ།
བྱང་འབྲོག་པའི་སྒོར་བྲོ་འཁྲབ་འཁྲབ་ཉིན་བྲོ་གཞན་འཁྲབ་ན་འཁྲབ་འདོད་མི་གདའ།
ཕ་འབྲོག་པའི་འབྲོག་ཟས་ཟོས་ཟོས་ཉིན་ཟས་གཞན་ཟོས་ན་ཟ་འདོད་མི་གདའ།
ལྟོས་དང་ཁོར་ཁེད་ནག་ཆུ་ཁ་ལ།
རྩྭ་ཐང་གཡུ་ཡི་མེ་ལོང་སྟེང་ལ་མེ་ཏོག་མགོ་ལྕོག་ལྡེམ་ལྡེམ།
འཇག་མས་ཤུ་ལུ་སངས་སངས།
མདོ་བ་རྟ་ཕོའི་གོམ་ལག་དེ་ཚོ་ས་ལ་མ་ཐུག་ལྡེམ་ལྡེམ།
གནམ་ལ་མ་ཐུག་ཁྲིག་ཁྲིག
སྟག་ཤར་གཞོན་ནུའི་ཀི་སྒྲ་དེ་ཚོ་ཨ་སྔོན་གནམ་ཡང་བསང་བསང་།
དོག་མོ་ས་ཡང་ཡོམ་ཡོམ།
དམན་ཆུང་བུ་མོའི་སྐྲ་ལོ་དེ་ཚོ་ལུས་ལ་མ་ཐུག་ཤམ་ཤམ།
ས་ལ་མ་ཐུག་ཁྲིག་ཁྲིག
ལྡེམ་ལྡེམ་གར་གྱི་སྟངས་སྟབས་མཛེས་ས།
སྐྱིད་པའི་ནག་ཆུ་ཁ།
སྙན་སྙན་དམངས་གླུའི་བྲོ་བ་སྙན་ས།
དགའ་བའི་ནག་ཆུ་ཁ།
ཕོ་གསར་གཡས་ནས་ལ་གཞས་ལེན་ས།
མོ་གསར་གཡོན་ནས་བྲོ་གར་ལྡེམ་ལྡེམ།
འབྲོག་གླུ་རྣ་བར་སྙན་ས།
གར་གྱི་སྟངས་སྟབས་མཛེས་ས།
ཨ་ལ་ལ་མོ་ཨ་ལ་ལེན།
ཐ་ལ་ལ་མོ་ལེན་ནས་འགྲོ་དགོས་རེད།
གླུ་ཨ་ལ་ལེན་ཞིག་ལོ་ཆུང་མཉམ་དུ་འགྲོ།
སྟག་ཤར་གཞོན་ནུ་ཉོབ་ནས་མ་འདུག་དགྲ་ཀི་ལན་གཅིག་རྒྱོབ་ཤོག
དམན་ཆུང་བུ་མོ་ཉོབ་ནས་མ་སྡོད་རྡོག་བྲོ་ལན་གསུམ་རྒྱོབ་ཤོག
སྟག་ཤར་གཡས་ནས་ང་རྫིག་ཁོ་རྫིག
དམན་ཆུང་གཡོན་ནས་ང་མཛེས་ཁོ་མཛེས།
སྟག་ཤར་དབུ་འཕང་མཐོ་ས།
དམན་ཆུང་སྐྱེས་གཟུགས་མཛེས་ས།
ཨ་ལ་ལ་མོ་ཨ་ལ་ལེན།
ཐ་ལ་ལ་མོ་ལེན་ནས་འགྲོ་རེད།
18 сен 2024