ཚིག བེ་རི་འཇིགས་མེད་དབང་རྒྱལ།
གདངས། བཀྲ་ཤིས་དཔལ་ལྡན།
གཞས་མ། བརྒྱད་དབྱངས་སྒྲོལ་མ།
སྟོད་ཀྱི་ཆུ་བོ་རྣམ་བཞི། །
ས་ཕྱོགས་གང་དུ་འབབ་ཀྱང་།
གངས་རི་གཅིག་གི་ཆུ་རེད། །
ཆུ་ལ་ཁྱད་པར་མིན་འདུག །
བོད་ཀྱི་ཆོས་བརྒྱུད་རྣམ་བཞི། །
འཛམ་གླིང་གང་དུ་དར་ཡང་།
སྟོན་པ་གཅིག་གི་ཆོས་རེད།
ཆོས་ལ་ཁྱད་པར་མིན་འདུག །
གནམ་གྱི་ཉི་ཟླ་སྐར་གསུམ། །
ས་ཕྱོགས་གང་དུ་འཆར་ཡང་།
ནམ་མཁའ་མཛེས་པའི་རྒྱན་རེད།
རྒྱན་ལ་ཁྱད་པར་མིན་འདུག །
བོད་རིག་ཆོལ་ཁ་གསུམ་པོ། །
སྟོད་སྨད་གང་དུ་གནས་ཀྱང་།
མེས་པོ་གཅིག་གི་རིགས་རེད་།
རིགས་ལ་ཁྱད་པར་མིན་འདུག །
21 дек 2016