NGI IEID ÏA ME, NGI MANE ÏA ME TRAI
Ngi ieid ïa Me ngi mane ïa Me Trai
Ko Blei jong nga Nongpynim u jong nga
Me wan longbriew Me siewspah pop jong ngi
Namar jong ngi Me wan hiar sha duwan.
Ngi ïai sngewnguh ngi mane ïa Me Trai
Ba ieh ka bneng ban wan shongsah bad ngi.
Me dei ka sngi ka jingrhem ka jingshai
Me dei ko Trai ka jingim ka jong nga
Ïalam dohnud mon pynskhem ka jong nga
Lynti jong nga wan pynshai sngi jong nga.
Ngi ïai sngewnguh ngi mane ïa Me Trai
Ba ieh ka bneng ban wan shongsah bad ngi.
Me dei ka lieng ka jutang bathymmai
Me dei ko Trai jingpynim ka jong nga
Dap jingaiei dap jingmap ieid-synei
Me wan pynim jaitbynriew na jingshlei.
Ngi ïai sngewnguh ngi mane ïa Me Trai
Ba ieh ka bneng ban wan shongsah bad ngi.
Me dei jingkieng pynïasoh bneng pyrthei
Tang Me marwei jingkyrmen ka jong nga
Ksiang nongpynksan nongïasaid ka pyrthei
Me pynïasuk ï'u bynriew bad u Blei.
Ngi ïai sngewnguh ngi mane ïa Me Trai
Ba ieh ka bneng ban wan shongsah bad ngi.
Naduh basdang - khlem jingsdang - Me long Blei
Ko Khrist Khun Blei bamarwei jong u Kpa
Jisu ïing blei ïing shongneh jong u Kpa
Bad la u Kpa lem bad ngi Me wan sah.
Ngi ïai sngewnguh ngi mane ïa Me Trai
Ba ieh ka bneng ban wan shongsah bad ngi.
1 фев 2023
