Нурзида Тожикистонда концерт берди!
29 сентябр куни, Тожикистон Республикасининг Сўғд вилоятидаги Амфитеатрда ўша машҳур Эҳсон гуруҳи солисти Ғолибжон Юсупов ҳамда Нурзида Исаеванинг концерт дастури бўлиб ўтди.
Ўзбек-Тожик халқлари дўстлигини янада мустаҳкамлаш йўлида ўтказилган концертда амфитетрга 10.000 дан ортиқ санъат севар тожик халқи йиғилди. Айниқса ҳамюртимизнинг саҳнага чиқиши мухлисларни жунбушга келтирди. Ўзбек, тожик, турк ва араб тилларида хониш қилган Нурзида Дилшод Тохирий билан "Модар" қўшиғини дует тарзида ижро этди.
Концерт сўнгида мезбонларга зарчўпон кийдирилди. Наманганнинг "Ширмон" нонларини тортиқ этилиб ўзбек маданияти тожик заминида намоён этилди.
Концертнинг тўлиқ видеоси яқин кунларда тақдим этилади.
@KOSONSOY
2 окт 2023
