TAPŞIR DOĞULDUĞUM TORPAĞA MƏNİ
Oğul,ölsəm əgər qərib ölkədə,
Tapşır doğulduğum torpağa məni.
Orda gözlərimi açdım bəlkə də,
Tapşır doğulduğum torpağa məni.
Sinəm alovlanır,yanır kürəyim,
Həyacan təbili çallr ürəyim,
İtirir dadını duzum,çörəyim,
Tapşır doğulduğum torpağa məni.
Yazdığım şeirlər olsun marağım,
Kitablar məşəlim,şamım,çırağım,
Məzarım ünvanım,yerim,sorağım,
Tapşır doğulduğum torpağa məni.
Vətən mənə Mədinədi,Kəbədi,
Hər qayası məqbərədi,türbədi,
Gen düşməyim qucağından əbədi,
Tapşır doğulduğum torpağa məni.
Namiqəm,Vətənin bir parçasıyam,
Hicran xəstəsiyəm,dərd qocasıyam,
Kəndə dönəsiyəm,yol açasıyam,
Tapşır doğulduğum torpağa məni.
9 сен 2024