A 26ª edición da Xuntanza dos Nosos Maiores reuniu a 900 persoas na área recreativa da Madalena o sábado 13 de xullo.
O Concello do Pino fíxolles un recoñecemento a algunhas das persoas máis lonxevas do municipio: Manuela Mirás, veciña de Gonzar de 95 anos; Mercedes Salvado, veciña de Budiño de 94 anos; Josefina Sanjiao, veciña de Budiño que cumpriu 94 anos; e Carmen Parada, veciña de Arca de 93 anos.
O alcalde do Pino, Manuel Taboada; o director xeral de Maiores e Atención Sociosanitaria da Xunta de Galicia, Antón Acevedo, membros do equipo de goberno e a traballadora social entregáronlle ás homenaxeadas unha placa conmemorativa e un ramo de flores.
Despois do concerto da Banda de Arca e da misa oficiada polo cura de Budiño, os participantes na Xuntanza degustaron un xantar servido polo Restaurante A Magdalena cun menú composto por empanada, troitas, polbo e carne ao caldeiro. O dúo Eva e Camilo encargouse de amenizar a sobremesa.
12 сен 2024
