🇹🇷 Kuni kecha Turkiyaning Qoradengiz sohilbo‘yida joylashgan Samsun shahriga dunyodagi eng yirik aerokosmik texnologiyalar ko‘rgazmasida ishtirok etish uchun O‘zbekiston Prezidenti davlat xavfsizlik xizmati o‘rinbosari Otabek Umarov ham yetib bordi va ko‘rgazmadagi pavilionlar, yangi harbiy texnikalar bilan yaqindan tanishdi. Jarayonda Turkiya prezidenti Rejep Tayyip Erdo‘g‘anning kuyovi - "Baykar Makina" kompaniyasi texnik direktori Selchuk Bayraktar shaxsan yo‘lboshchilik qildi.
🚀 Shuningdek, 3-sentyabr kuni TEKNOFESTda ishtirok etish uchun Turkiya jumxurbashkanining o‘zi ham yetib keldi va Otabek Umarov ular bilan uchrashib, maxsus tadbirlarda birgalikda ishtirok etdi.
✈️ Festivalga xorij mamlakatlaridan kelgan yuqori martabali insonlar, asosan, O‘zbekistondan ekanini inobatga olsak, demak, yaqin yillarda aerokosmik texnologiyalar va harbiy sohalarda ikki mamlakat katta hamkorlik ishlarini boshlashini taxmin qilish mumkin.
🇺🇿 Eslatib o‘tamiz, MY5 telekanali uchun Selchuk Bayraktardan olgan intervyum davomida kelasi yili TEKNOFEST yurtimiz O‘zbekistonda ham tashkil etilishi haqida xabar berilgan edi.
-----------------------------------------
📲 Obuna bo'ling:
📸 / jaloliddinjm
💻 / jaloliddinjm
🐦 / jaloliddinjm
📱 t.me/hashtaguz
🌐 www.jm.uz
26 сен 2024