Maqomati Sayid Mir Kulol asarida yozilishicha, Mir Kulol Romitanda kurash tushar edi. Hazrat Bobo Samosiy esa devor soyasida o‘tirib, maydondagilarni tomosha qilib turganlarida, muridlaridan biri hazratga: Ey ustoz, bu odamlar bidʼat ish bilan mashg‘ul, siz esa hayratlanib tomosha qilib o‘tiribsiz, buning sababi nima, deydi. Shunda Bobo Samosiy dedilar. Ey farzand, bu maydonda bir mard borki, o‘zi sayidzoda (yaʼni payg‘ambarimiz s.a.v) avlodidan bo‘lib, vaqti kelib uning suhbatidan barcha komil insonlar bahramand bo‘lishadi, uning parvozi baland, maqomi xam oliydir, biz shu mardni kutib shu yerda turibmiz dedi. To‘satdan, Sayid Mir Kulol nigohlari Boboyi Samosiyga tushib qoladi. Oradan bir muncha vaqt o‘tib, Bobo Samosiy Mir Kulolni farzandlikka qabul qilib, ul zotga tariqat odoblaridan saboq berishni boshlaydilar. Shu kundan eʼtiboran Mir Kulol qayta kurash maydoniga chiqmaganlar deyiladi.
Мақомати Сайид Мир Кулол асарида ёзилишича, Мир Кулол Ромитанда кураш тушар эди. Ҳазрат Бобо Самосий эса девор соясида ўтириб, майдондагиларни томоша қилиб турганларида, муридларидан бири ҳазратга: Эй устоз, бу одамлар бидъат иш билан машғул, сиз эса ҳайратланиб томоша қилиб ўтирибсиз, бунинг сабаби нима, дейди. Шунда Бобо Самосий дедилар. Эй фарзанд, бу майдонда бир мард борки, ўзи сайидзода (яъни пайғамбаримиз с.а.в) авлодидан бўлиб, вақти келиб унинг суҳбатидан барча комил инсонлар баҳраманд бўлишади, унинг парвози баланд, мақоми хам олийдир, биз шу мардни кутиб шу ерда турибмиз деди. Тўсатдан, Сайид Мир Кулол нигоҳлари Бобойи Самосийга тушиб қолади. Орадан бир мунча вақт ўтиб, Бобо Самосий Мир Кулолни фарзандликка қабул қилиб, ул зотга тариқат одобларидан сабоқ беришни бошлайдилар. Шу кундан эътиборан Мир Кулол қайта кураш майдонига чиқмаганлар дейилади.
30 сен 2024
