Xoja Mahmud Anjir Fag‘naviy ilmi qol va ilmi holni Hazrat Xoja Orif ar Revgariydan o‘rgangan. Xoja Mahmud Xoja Orifdan ijozat xati olganidan so‘ng xalqni Alloh taologa daʼvat etib, Aloniya zikri yaʼni baland tovush bilan zikr etmoq ila mashhur bo‘ladilar. Nima sababdan bunday zikr uslubini tanlagani sababini u zot quyidagicha: “Bunday zikr uslubini tanlaganimni sababi shulki toki uxlaganlar uyg‘onsin, alar g‘aflatdan qutilib, shariatu-tariqat qonunlariga doimiy bo‘ysunuvchi bo‘lib, haqiqiy tobe sharafiga muyassar bo‘lib, ikki dunyo saodatiga yetishsinlar” deb tushuntirgan ekanlar.
Kimning bunday zikrga amal etishga haq-huquqi bor deyilganda, u zot: “Aloniya zikri bilan shunday kishilar mashg‘ul bo‘lsinki, ularning tili yolg‘on gaplardan va g‘iybatdan pok, og‘izi harom va shubhali taomdan pok, dili riyodan pok, qulog‘i harom-xarish, behuda so‘zlarni eshitishdan pok, boshi Alloh taolodan boshqa zot xayolidan pok bo‘lishi lozim” deb javob bergan ekanlar.
Хожа Маҳмуд Анжир Фағнавий илми қол ва илми ҳолни Ҳазрат Хожа Ориф ар Ревгарийдан ўрганган. Хожа Маҳмуд Хожа Орифдан ижозат хати олганидан сўнг халқни Аллоҳ таолога даъват этиб, Алония зикри яъни баланд товуш билан зикр этмоқ ила машҳур бўладилар. Нима сабабдан бундай зикр услубини танлагани сабабини у зот қуйидагича: “Бундай зикр услубини танлаганимни сабаби шулки токи ухлаганлар уйғонсин, алар ғафлатдан қутилиб, шариату-тариқат қонунларига доимий бўйсунувчи бўлиб, ҳақиқий тобе шарафига муяссар бўлиб, икки дунё саодатига етишсинлар” деб тушунтирган эканлар.
Кимнинг бундай зикрга амал этишга ҳақ-ҳуқуқи бор дейилганда, у зот: “Алония зикри билан шундай кишилар машғул бўлсинки, уларнинг тили ёлғон гаплардан ва ғийбатдан пок, оғизи ҳаром ва шубҳали таомдан пок, дили риёдан пок, қулоғи ҳаром-хариш, беҳуда сўзларни эшитишдан пок, боши Аллоҳ таолодан бошқа зот хаёлидан пок бўлиши лозим” деб жавоб берган эканлар.
30 сен 2024
