OB TUG NTSUJ PLIG 

Sib hlub npaum wb, nyob rau tiam no
Tsis pub sib nrug, cuag npauj npaim ya yuj yeev
Sib nco npaum wb, nyob rau tiam no
Tuav rawv leeg npab, cuag me noog luv tis
Es yog tias ib hnub twg, nyob rau tiam no
Tsis muaj wb tus me duab ntxoov lawm
Wb yuav zoo li cas os
Wb yuav yog, ob tug ntsuj plig
Sib sib hlub, puag tim tej ntav toj
Cua nplawm twg , ces wb mus twg
Wb yuav yog, ob tug ntsuj plig
Sib sib nco, puag tim tej ntav roob
Tshav ntuj twg, ces sov sov rau wb
Sib tshua npaum wb, nyob rau tiam no
Tsim txiaj os mog, rau wb lub me neej
Kom wb tej menyuam, ho tau coj mus kawm
Txoj kev sib hlub, ntawm koj thiab kuv os mog
Es yog tias ib hnub twg, nyob rau tiam no
Tsis muaj wb tus me duab ntxoov lawm
Wb yuav zoo li cas os
Wb yuav yog, ob tug ntsuj plig
Sib sib hlub, puag tim tej ntav toj
Cua nplawm twg , ces wb mus twg
Wb yuav yog, ob tug ntsuj plig
Sib sib nco, puag tim tej ntav roob
Tshav ntuj twg, ces sov sov rau wb