Ogulbeg Zeminiň lälesi asmanyň aýy Dünýäniň göwheri käni Ogulbeg Gözim röwşen tapar gördigim saýy Aý güniň sen sen taýy Ogulbeg .... Bas gadam didäm üstine Ýar basan aýajyklryňdan Goýyn sagmaga çykaňda Çör basan aýajyklaryňdan Aşygyňa jilbe berip dar basan aýajyklaryňdan Gyzlaryň soltany hany Ogulbeg ... Ertir turyp owlak guza es eder Es edende saç ujy ses eder Her til bilen aşygyny mes eder Dünýäniň göwheri käni Ogulbeg .... Bas gadam didäm üstine Deň basan aýajyklaryňdan Gum basan aýajyklaryňdan Gül basan aýajyklaryňdan Sende Keminäniň jany Ogulbeg .. Güli jennetdir perizadyň mislidir Ary toprak adamzadyň aslydyr Gelse ýigitlik ýaz güniniň paslydyr Bu dünýäni tutan barmy Ogulbeg ... Gara gara gözler bilen gözleşmeşek oýnagaly Şirin şirin sözler bilen sözleşmeşek oýnagaly Aýna kimin ýüzler bilen öpişmeşek oýnagaly Näzik inçe biller bilen gujyşmaşak oýnagaly Garyp Keminäniň taýy Ogulbeg ...