OROMIA11: Oduu 7-8-2024
1.Godina Booranaa aanaa Dirree ganda Magaadootti hoomaan awwaannisaa kaaba Keeniyaa irraa dhufe mul’achuu kominikeeshiniin godina Booranaa beeksise.
2.Aaraa fi balfi warshaa Biiraa Harar keessaa bahu jiraattota naannichaa irratti rakkoo fayyaa fi naannicha faalama qilleensaatiif saaxilaa jiraachuun himame.
3.Magaalaa Dirre Dhawaatti balaa ibiddaa mudateen namoota qabeenyi duraa barbadaawe deebisanii dandamachiisuuf gargaarsi idil addunyaa akka taasifamu waamichi dhihaate.
4.Faawundeeshiniin Alii Birraa fi dhaabbanni Konistiraakshinii ND waliin ta’uun mana barnoota Alii birraatti dareewwan dabalataa birri miliyoona 35 oliin ijaarsisuun gabaafame.
5.Lammiileen Itoophiyaa waggaa sadi dura waraana Kaaba Itoophiyaa jalaa Sudaanitti baqatan Waraana waliinii Sudaanitti gaggeefamaa jiru hordofee yaaddoo nageenyaa qabaachuu himatan.
6.Pirezidaantiin Somaaliyaa Itoophiyaan muddama mariin furuuf qophii miti jedhan.
7.Konsartii Keeniyaatti namoota mormii daballii gibiraatiin wal qabatee ajjeefaman yaadachuuf kaayyeeffate gaggeeffame.
8.Waggoottan muraasaa asitti miidhamaan biyyaafi kilaba isaa haalaan tajaajiluu kan dadhabe Tiyaagoo Alkantaraan kubbaa miilaa dhaabuu beeksise.
5 окт 2024
