0:00 Абдуқодир Ҳабибулла ва президентлар
0:51 Абу Сахий&Co - Миллиард долларлик пул ювиш операцияси
5:27 Куëвлар маҳрига тушган бозор: Шеркиа Мухторни билган борми?
11:31 Импорт оқимининг янги хўжаси - Baraka Holding ва яна бошқа “Барака”лар
14:58 Hyper Partners: Абдуқодир Ҳабибулла ва Ойбек Муҳаммадалиевич Умаров
22:00 Ўзбекистон дарвозалари калити- Зимдан пишган режа ва Мирзиëев фармони
26:45 50¸4 гектар ер¸ Mirabad City: Hyper Finance Group
31:35 Шотландиядаги сохта компания ва Отабек Умаровнинг отчопар синфдоши
39:50 Халқаро жўнатмалар контролëри - CPT Pochta: Зоминлик жиянлар ва Абдуқодир иш бирлиги
46:44 Baraka тармоғига барака қўшаëтган яна бир куëв - Нажим Абдужабборов
49:50 Туркистон масжидидаги дуэт: Буюртмачи Мирзиëев¸ қурувчи Абдуқодир Ҳабибулла
Каримов ўлимидан кўп ўтмай Ўзбекистоннинг энг катта улгуржи бозори Абу Сахий эгаси ўзгарганини эслайсизми? 2017 йил январидан Тошкент савдо маркази деган номда иш бошлаган Абу Сахийни Каримов куëвидан ким олгани ҳозиргача жамоатчиликка очиқ айтилган эмас. Озодлик Уюшган жиноятчилик ва коррупцияни ëритиш лойиҳаси, Kloop ва Власть нашрлари билан ҳамкорликда ҳозирлаган янги журналистик суриштирув бу бозорнинг қоғоздаги ва амалдаги эгалари кимлигини очиқлайди.
Фақат бугина эмас. Суриштирувимиз Абу Сахийни қўлга олган шахс ва гуруҳлар Ўзбекистонга импорт оқими устидан ҳукмронлик ўрнатгани¸ божхона ичида божхона тизими яратгани¸ мамлакат тарихидаги энг қиммат турар-жой¸ меҳмонхона ва савдо марказлари лойиҳасини қўлга киритганини ўртага чиқаради.
“Хорижий инвестор” деган мақомда қарийб 1¸5 миллиард долларлик лойиҳаларни олганлар - асли хитойлик уйғур Абдуқодир Ҳабибулла ва унинг оиласи. Абдуқодир қўлида ишлаган пул ювғичнинг иқрори ва у тақдим қилган ҳужжатларга кўра¸ Абдуқодир Ҳабибулла Каримов даврида катта миқдордаги Хитой молларини Қирғизистон¸ ундан Тошкентдаги Абу Сахий бозорига контрабанда қилиш билан шуғулланган. Сўнгра у контрабададан тушган юзлаб миллион нақд долларни Қирғизистон орқали ювиш тармоғини бошқарган. Қирғиз парламенти Абу Сахийнинг Қирғизистон орқали ювилган пуллари қарийб 1 миллиард доллар эканини эълон қилган.
2017 йилдан сўнг айни шахс ва унга қарашли тармоқнинг Ўзбекистонда бизнес империяси яратиши сири эса¸ Озодлик ва ҳамкорлари ўтказган суриштирувга кўра¸ унинг Шавкат Мирзиëев ва оиласи вакиллари билан яширин ҳамкорлигидир.
🔴 t.me/ozodlikkanali kanaliga obuna bo'ling!
🔴 Bizga xabar yo'llash uchun 👉 @ozodnews
Karimov o‘limidan ko‘p o‘tmay O‘zbekistonning eng katta ulgurji bozori Abu Saxiy egasi o‘zgarganini eslaysizmi? 2017 yil yanvaridan Toshkent savdo markazi degan nomda ish boshlagan Abu Saxiyni Karimov kuyovidan kim olgani hozirgacha jamoatchilikka ochiq aytilgan emas. Ozodlik Uyushgan jinoyatchilik va korruptsiyani yoritish loyihasi, Kloop va Vlast nashrlari bilan hamkorlikda hozirlagan yangi jurnalistik surishtiruv bu bozorning qog‘ozdagi va amaldagi egalari kimligini ochiqlaydi.
Faqat bugina emas. Surishtiruvimiz Abu Saxiyni qo‘lga olgan shaxs va guruhlar O‘zbekistonga import oqimi ustidan hukmronlik o‘rnatgani¸ bojxona ichida bojxona tizimi yaratgani¸ mamlakat tarixidagi eng qimmat turar-joy¸ mehmonxona va savdo markazlari loyihasini qo‘lga kiritganini o‘rtaga chiqaradi.
“Xorijiy investor” degan maqomda qariyb 1¸5 milliard dollarlik loyihalarni olganlar - asli xitoylik uyg‘ur Abduqodir Habibulla va uning oilasi. Abduqodir qo‘lida ishlagan pul yuvg‘ichning iqrori va u taqdim qilgan hujjatlarga ko‘ra¸ Abduqodir Habibulla Karimov davrida katta miqdordagi Xitoy mollarini Qirg‘iziston¸ undan Toshkentdagi Abu Saxiy bozoriga kontrabanda qilish bilan shug‘ullangan. So‘ngra u kontrabadadan tushgan yuzlab million naqd dollarni Qirg‘iziston orqali yuvish tarmog‘ini boshqargan. Qirg‘iz parlamenti Abu Saxiyning Qirg‘iziston orqali yuvilgan pullari qariyb 1 milliard dollar ekanini e’lon qilgan.
2017 yildan so‘ng ayni shaxs va unga qarashli tarmoqning O‘zbekistonda biznes imperiyasi yaratishi siri esa¸ Ozodlik va hamkorlari o‘tkazgan surishtiruvga ko‘ra¸ uning Shavkat Mirziyoyev va oilasi vakillari bilan yashirin hamkorligidir.
5 май 2024
