Тожикистон ташқи ишлар вазирлиги 28 апрелда Москва аеропортларида йиғилиб қолган Тожикистон фуқаролари билан боғлиқ вазият мураккаблигича қолётгани тўғрисида хабар қилди.
“27 апрель, кун якунигача бўлган ҳолатга кўра, Тожикистоннинг 954 фуқароси Россия пойтахтидаги халқаро Внуково аеропортининг вақтинча ушлаб туриш зонасида зарурий санитария шароитларисиз ушлаб турилибди”, дейилган вазирлик баёнотида.
26 апрельда эса, Қозоғистон-Россия чегарасидаги «Сагарчин» назорат-ўтказиш пунктида Тожикистондан йўлга чиқиб, Россия ҳудудига киритилмаётган автомашиналар сони 200 тага, улардаги йўловчилар 1000 нафарга яқинлашди.
Айни пайтда Тожикистон республикаси ташқи ишлар вазирлиги ўз фуқароларига ўта зарур бўлмаган ҳолатларда барча турдаги транспорт воситаларида Россия ҳудудига боришдан тийилиб туришни тавсия қилди.
Россия маъмурларининг тожикистонликларга нисбатан муносабатидаги бу кескин ўзгаришни юрист Ботиржон Шермуҳаммад ва ўтган йили Россиядан Ўзбекистонга депортасия қилинган блогер Фарҳод Умурзоқов (Темиртирноқ) билан муҳокама қилдик. Сарвар Усмон суҳбатлашди.
🔴Ozodlik kanaliga obuna bo'ling! 👉 t.me/ozodlikkanali
🔴 Bizga xabar yo'llash uchun 👉 t.me/ozodnews
Tojikiston tashqi ishlar vazirligi 28-aprelda Moskva aeroportlarida yig‘ilib qolgan Tojikiston fuqarolari bilan bog‘liq vaziyat murakkabligicha qolyotgani to’g’risida xabar qildi.
“27 aprel', kun yakunigacha bo‘lgan holatga ko‘ra, Tojikistonning 954 fuqarosi Rossiya poytaxtidagi xalqaro Vnukovo aeroportining vaqtincha ushlab turish zonasida zaruriy sanitariya sharoitlarisiz ushlab turilibdi”, deyilgan vazirlik bayonotida.
26-aprelda esa, Qozog‘iston-Rossiya chegarasidagi «Sagarchin» nazorat-o‘tkazish punktida Tojikistondan yo‘lga chiqib, Rossiya hududiga kiritilmayotgan avtomashinalar soni 200 taga, ulardagi yo‘lovchilar 1000 nafarga yaqinlashdi.
Ayni paytda Tojikiston respublikasi tashqi ishlar vazirligi o‘z fuqarolariga o‘ta zarur bo‘lmagan holatlarda barcha turdagi transport vositalarida Rossiya hududiga borishdan tiyilib turishni tavsiya qildi.
Rossiya ma'murlarining tojikistonliklarga nisbatan munosabatidagi bu keskin o‘zgarishni yurist Botirjon Shermuhammad va o‘tgan yili Rossiyadan O‘zbekistonga deportasiya qilingan bloger Farhod Umurzoqov (Temirtirnoq) bilan muhokama qildik. Sarvar Usmon suhbatlashdi.
#ozodlik #uzbekistan #tashkent #yangiliklar #ozodnazar #sarvarusmon
28 апр 2024
