Një ngjarje e rëndë u shënua në një fshat të Lushnjës në maj të këtij vitit. Një vajzë 24-vjeçare, e shoqëruar nga familjarët e saj u paraqit në komisariat duke bërë denoncim se ka qenë viktimë e një marrëdhënieje seksuale me dhunë, dhe si pasojë kishte mbetur shtatzënë.
Denoncimi u bë në 10 maj ndërsa 14 ditë më pas policia arrestoi Luan Topin një 63 vjeçar bashkëfshatar si autorin e dyshuar.
Pasditen e 12 Korrikut në studion e emisionit ‘Pa Gjurmë’ të Report Tv ishin vajza dhe djali i 63 vjeçarit të cilët thonë se babai i tyre është i pafajshëm dhe se po mbahet padrejtësisht në burg, pasi janë të tjerë persona që e kanë kryer aktin seksual.
Florian Topi dhe Emanuela Murati treguan se është bërë kallëzim i rremë për të fshehur personat e vërtetë që kanë abuzuar me vajzën. Për këtë bëjnë me faj dhe nusen e xhaxhait të 24 vjeçares. Ata disponojnë dhe një video ku vajza tregon dhe emrat e personave që kanë kryer marrëdhënie dhe flitet për një incest. E bija e 63 vjeçarit i kërkon policisë të verifikohen bisedat e vajzës në telefon dhe të bëhet ADN.
Ndëra të tjera Florian Topi ka treguar se ngjarja ka qenë e qëllimshme për të njollosur familjen e tyre dhe dëmtuar imazhin dhe biznesin që ata kanë, një pemtari të cilin e kanë ngritur me mund.
Ndërkohë fëmijët e 63 vjeçarit kërkojnë drejtësi dhe e vërteta të zbardhet sa më shpejt dhe të vihet në vend nderi i tyre. Ndërsa vajza është 4 muajshe shtatzënë.
5 сен 2024
